Mömmur og möffins aflýsa viðburði en halda áfram að safna fyrir endurlífgunartæki
Mömmur og möffins, viðburður sem halda átti í Lystigarðinum á Akureyri á laugardag hefur verið aflýst en þeim tilmælum er beint til landsmanna að takamarka samneyti vegna kórónuveirufaraldurs sem virðist í uppsiglingu. Áfram verður þó safnað fyrir endurlífgunartæki fyrir nýbura og fólki frjálst að leggja málefninu lið.
Nokkurn vegin um það bil sem prentvélar fóru í gangi og nýtt Vikublað rann um þær í stríðum straumum barst tilkynning um að viðburðurinn Mömmur og möffins hefði tekið ákorun forseta Íslands um að lágmarka samneyti fólks um komandi Verslunarmannahelgi og var viðburðinum aflýst. Í áðurnefndu og glænýju Vikublaði en viðtal við Valdísi Önnu Jónsdóttur sem staðið hefur í brúnni hjá Mömmum og möffins liðin ár. Viðtalið var auðvitað tekið fyrr í vikunni þegar ekkert benti til annars en að af viðburðinum yrði en með breyttu sniði vegna kórónuveirufaraldursins.
Eftir stendur að þeir sem tekið hafa þátt í að gera Mömmur og möffins að veruleika hafa um árin safnað 6,5 milljónum króna sem farið hafa til tækjakaupa á fæðingardeild Sjúkrahússins á Akureyri.
Að þessu sinni er safnað fyrir tæki sem notað er til endurlífgunar nýbura. Þörfin á tækinu er enn til staðar og ætla Möffins mömmurnar að halda sínu striki og reyna eftir öðrum leiðum að safna fyrir tækinu. Það kostar 1,2 milljónir króna. Fólk er hvatt til að leggja málefninu lið með frjálsum framlögum og skorað á fyrirtæki að gera slíkt hið saman. Reikingsnúmer má finna á facebook síðu viðburðarins. Mömmur og möffins leggja líka til að fólk baki möffins heima hjá sér og birti myndir af herlegheitunum á samfélagsmiðlum.
Nýjast
-
Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. -
Listamannaspjall með Gunnari Kr. Jónassyni í Listasafninu á Akureyri n.k. laugardag
Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar, sem nú stendur yfir í Listasafninu á Akureyri. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla. -
Norðurorka fær umhverfisverðlaun Terra
Norðurorka hlaut umhverfisverðlaun Terra á landsbyggðinni fyrir árið 2023. Norðurorka hefur sett fordæmi fyrir því hversu vel má flokka allt sem til fellur hjá stóru fyrirtæki. Hlutfall sem urðað er eða sent í brennslu er í algjör lágmarki og samræmist það mjög vel stefnu Terra um að skilja ekkert eftir. Norðurorka hefur tileinkað sér þær nýjungar sem Terra býður upp á og hefur fyrirtækið verið reiðubúið að prófa nýjar lausnir og gefið álit sitt á virkni þeirra. Forsvarsmenn Terra segir að ansi mörg fyrirtæki sem séu í viðskiptum við félagið hafi bætti sig á milli ára þegar kemur að flokkun, sem aftur skili hreinni straumum og hærra hlutfalli heildarúrgangs sem fer í endurvinnslu. -
Nýr Kjalvegur – Hraðbraut í gegnum hálendið
Á Alþingi liggur nú fyrir þingsályktunartillaga um endurnýjun vegar yfir Kjöl með einkaframkvæmd en nokkrum sinnum hefur verið reynt að mæla fyrir málinu í gegnum tíðina án árangurs. -
Hefur myndað báta frá barnsaldri
Hafþór Hreiðarsson, ljósmyndari og nú myndlistamaður -
Akureyri - Þátttaka eykst stöðugt í velheppnuðu verkefni Virkra efri ára
„Við erum afskaplega ánægð með hvernig til hefur tekist, þátttaka hefur aukist jafnt og þétt og við heyrum ekki annað en notendur séu ánægðir með það sem í boði er,“ segir Héðinn Svarfdal Björnsson verkefnastjóri Virkra efri ára. Verkefnið hófst formlega í febrúar í fyrra en þá var byrjað á að bjóða ýmis konar tækifæri til hreyfingar fyrir þá íbúa bæjarins sem náð höfðu 60 ára aldri og voru þeir dreifðir um bæinn. -
Húsavik - Gagnrýna ákvörðun um kaup á körfubíl
Byggðarráð Norðurþings samþykkti á 457 fundi sínum fyrri skemmstu að körfubíl fyrir Slökkvilið Norðurþings með atkvæðum Hjálmars Boga B-lista og Áka Haukssonar M-lista. Hafrún Olgeirsdóttir D-lista greiddi atkvæði á móti. Áætlaður kostnaður við kaupin er 14,9 m.kr með vsk. á tækinu heim komið miðað við gengi dagsins. -
KEA eykur við hlut sinn í Norlandair
KEA hefur keypt rúmlega 21% hlutafjár í Norlandair og verður eftir viðskiptin stærsti hluthafi félagsins með 43% eignarhlut. Samhliða þessum viðskiptum er Air Greenland einnig að auka við hlut sinn í félaginu og verður næst stærsti hluthafi þess. Í þessum viðskiptum voru Friðrik Adolfsson, Kaldbakur og Mýflug að selja eignarhluti sína en Friðrik lét af störfum sem framkvæmdastjóri Norlandair vegna aldurs um nýliðin áramót og við starfi hans hefur tekið Arnar Friðriksson. -
1500 FRÆ
Meðmæli eru frækorn. Við erum að sá og fjárfesta til framtíðar. Við munum enn fremur uppskera eins og við sáum. Ef við sáum þeirri hegðun að frambjóðendur verði að vera þekkt andlit, með reynslu úr pólitík eða opinberri þjónustu – þá uppskerum við eftir því. Umsóknarkröfum ætti þá að breyta til samræmis hið snarasta sem og heiti starfsins. Embætti fyrir útvalda. Embætti fyrir fræga. Embætti fyrir völd og pólitík.
Athugasemdir