Mjólkurbíll rann stjórn- laust og hafnaði á fjósi
Mjólkurbíll í eigu MS-Akureyri rann stjórnlaust 2 til 3 metra niður brekku og hafnaði á fjósi við bæinn Akur í Eyjafjarðarsveit í vikunni. Bílstjórann sakaði ekki, en töluvert tjón varð á bílnum sem er nýr, var tekin í notkun fyrir tæpum tveimur mánuðum. Eins urðu nokkrar skemmdir á fjósinu. Pétur Haraldsson mjólkurbílsstjóri var á ferðinni að sækja mjólk á bæi í Eyjafjarðarsveit í vikunni þegar óhappið varð.
Hann segir að aðstæður hafi verið þannig að glærasvell var á heimreiðinni en snjór ofan á því. Mjólkurbílinn var á keðjum en þær náðun ekki niður í gegn og því fór sem fór. Bratt er niður að fjósinu og hliðarhalli á veginum. Pétur segir að hált hafi verið síðastliðna daga, en aðstæður mismunandi á milli bæja, sumir séu duglegir að sanda sínar heimreiðar, en aðrir geri það sjaldnar. Bændur þurfa sjálfir að sjá um hálkuvarnir á heimreiðum sínum. Nokkrir aðilar í Eyjafjarðarsveit bjóða slíka þjónustu en flestir bændur eiga tæki og tól til að sinna verkinu sjálfir.
Pétur segir þjónustu Vegagerðarinnar sem sjái um þjóðveginn ekki nægilega góða þegar kemur að útvegum. Almennt sé góð færð á fjölförnustu leiðinni, á litla Eyjafjarðarhringnum svonefnda, en þegar út fyrir hann er komið sé annað uppi á teningnum. Þeir vegakaflar sitja á hakanum og það þykir mér ekki eðlilegt því það borga allir sömu gjöldin en fá mismunandi þjónustu, segir Pétur. Hann segir að Vegagerðin beri við sparnaði þegar kvartað sé yfir lélegri þjónustu á útvegum, en að hans mati hefur þjónustunni hrakað mjög á árunum eftir hrun. Það eigi bæði við um sumar- og vetrarþjónustu á vegum.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.