Mikilvægur sigur Þórs á Fylki
Þórsarar lönduðu mikilvægum þremur stigum í kvöld er liðið lagði Fylki 2:0 á Þórsvelli í kvöld í Pepsi-deild karla í knattspyrnu. David Disztl kom Þór yfir snemma í fyrri hálfleik og Sveinn Elías Jónsson bætti við öðru marki snemma í síðari hálfleik. Með sigrinum í kvöld er Þór komið í 21 stig í níunda sæti en Fylkir hefur áfram 25 stig og siglir lygnan sjó um miðja deild.
Leikurinn á Þórsvelli fór fjörlega af stað þar sem heimamenn voru aðgangsharðari upp við markið fyrstu mínúturnar. Hvorugu liðinu tókst hins vegar að skapa sér ákjósanleg færi framan af fyrri hálfleik. Þórsarar áttu nokkrar efnilegar sóknir en síðasta sendingin fór oftar en ekki forgörðum.
Það voru svo heimamenn sem skoruðu verðskuldað fyrsta mark leiksins en það gerði David Disztl á 22. mínútu, er hann skallaði boltann í netið eftir aukaspyrnu frá Clarke Keltie. Boltinn hafði viðkomu í Janez Vrenko sem framlengdi á Disztl sem kláraði færið vel.
Þórsarar sóttu meira eftir markið og voru líklegri til að bæta við forystuna en Fylkismenn að jafna. Gestirnir vöknuðu hins vegar til lífsins eftir um 35 mínútna leik og sóttu hart að marki Þórs það sem eftir lifði hálfleiksins, en heimamenn féllu mjög aftarlega. Albert Brynjar Ingason fékk best færi Fylkis í fyrri hálfleik á 38. mínútu, er hann fékk svo til frítt skot í teignum en skaut beint á Rajkovic í marki Þórs. Þaðan barst boltinn til Þóris Hannessonar sem skaut hátt yfir. Illa farið með góð færi hjá Fylki en heimamenn sluppu með skrekkinn.
Staðan 1:0 í hálfleik.
Seinni hálfleikurinn fór rólega af stað. Fylkismenn voru meira með boltann en heimamenn féllu full aftarlega á köflum. Það voru hins vegar heimamenn sem náðu öðru markinu og það skoraði Sveinn Elías Jónsson á 62. mínútu. Markið var í skondnara kantinum. Gísli Páll Helgason átti innkast á Jóhann Helga sem átti lélegan skalla að marki, þar sem Sveinn Elías tók við honum og renndi boltanum í netið.
Leikurinn var afspyrnurólegur næstu mínútur eða þangað til Jóhann Helgi fékk eitt besta færi leiksins. Hann var þá kominn einn í gegn en Fjalar Þorgeirsson gerði vel í að verja í marki Fylkis. Skömmu síðar fékk Albert Brynjar Ingason frábært færi fyrir Fylki en einn gegn Rajkovic í markinu brást honum bogalistinn og skaut beint á markvörðinn.
Þetta reyndist síðasta færi leiksins og því afar mikilvæg þrjú stig í hús hjá Þór í kvöld.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.