Mikilvægur sigur Þórs á Aftureldingu í kvöld
Þór vann í kvöld afar mikilvægan sigur á liði Aftureldingar er liðin mættust á Akureyrarvelli í 10. umferð 1. deildar karla í knattspyrnu. Lokatölur leiksins urðu 3-2 sigur Þórs. Það var varamaðurinn Hreinn Hringsson sem skoraði sigurmark leiksins fyrir Þór átta mínútum fyrir leikslok.
Heimamenn í Þór mættu sprækir til leiks og voru meira með boltann á upphafsmínútunum en það voru gestirnir sem áttu fyrsta færi leiksins. Það kom á 9. mínútu þegar leikmaður Aftureldingar fékk frítt skot inn í teig heimamanna en boltinn fór naumlega framhjá markinu. Tveimur mínútum síðar var Sveinn Elías Jónsson kominn í gott færi fyrir Þór er hann stakk sér á milli tveggja varnarmanna gestanna og náði fínu skoti inn í teig sem var varið.
Á 25. mínútu kom fyrsta mark leiksins. Sveinn Elías Jónsson vann þá boltann af leikmanni gestanna og sendi góða fyrirgjöf inn í teig gestanna, þar var mættur Ármann Pétur Ævarsson sem kom á fleygiferð og skallaði boltann af krafti í netið. Glæsilegt mark og staðan 1-0 fyrir heimamenn. Afturelding var hinsvegar ekki lengi að svara. Á 32. mínútu jafnaði Paul Clapson metin fyrir gestina er hann fékk sendingu inn í teig og skoraði í bláhornið.
Staðan 1-1 í hálfleik.
Þegar seinni hálfleikurinn var rétt rúmlega fjögurra mínútna gamall fengu heimamenn dæmda vítspyrnu þegar brotið var á Hreini Hringssyni inn í teig gestanna. Aleksandar Linta fór á vítapunktinn og skoraði af miklu öryggi og kom Þór yfir á nýjan leik. Staðan 2-1. Þórsarar héldu áfram að sækja að marki gestanna og voru mun líklegri til að bæta við marki en Afturelding að jafna. Aleksandar Linta átt hörkuskot að marki gestanna úr aukaspyrnu á 57. mínútu sem var naumlega varið.
Á 63. mínútu gerðust heimamenn hinsvegar brotlegir inn í eigin vítateig og Afturelding fékk dæmda vítaspyrnu. Paul Clapson fór á vítapunktinn og skoraði örugglega. Staðan 2-2. Átta mínútum síðar fékk Clapson fínt færi til þess að koma gestunum yfir er hann var sloppinn einn í gegnum vörn Þórs, en skot hans fór beint á Björn Hákon Sveinsson í marki heimamanna.
Það var svo á 82. mínútu að sigurmark leiksins kom. Hreinn Hringsson, sem hafði komið inn á sem varamaður í hálfleik fyrir Ottó Hólm Reynisson, slapp einn í gegnum vörn gestanna og hann gerði enginn mistök er hann skoraði örugglega framhjá markverði Aftureldingar og tryggði heimamönnum sigur, 3-2.
Geysilega mikilvægur sigur Þórs í miklum botnbaráttuslag. Með sigrinum er Þór komið með níu stig í deildinni og situr í 10. sæti.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.