"Mikilvægasti leikurinn til þessa"
Planið var að vera ekkert með í vetur vegna vinnu. Svo gafst aðeins meiri tími og menn náðu líka að kveikja neistann og áhugann hjá mér aftur. Það er bara gaman að vera kominn aftur í þetta, segir Bjarni Konráð Árnason leikmaður Þórs. Bjarni lagði skóna á hilluna fyrir um ári síðan en hefur ákveðið að vera með Þórsliðinu í vetur í 1. deildinni. Bjarni kom inn í lið Þórs fyrir leikinn gegn Breiðabliki á dögunum og var fljótur að minna á sig en hann skoraði 17 stig í leiknum og var stigahæstur í liði heimamanna. Þetta hefur ekkert verið nein glæsileg byrjun hjá okkur en er allt á uppleið. Við erum að vinna í því að fínstilla liðið og vera allir á sömu blaðsíðu, segir Bjarni. Þór á heimaleik gegn ÍG í kvöld kl. 19:15 í Höllinni og segir Bjarni tímabært að fara að taka fyrstu stigin, en norðanmenn hafa tapað fyrstu fjórum leikjum sínum á tímabilinu og verma botnsætið. Þetta er mikilvægasti leikurinn á tímabilinu til þessa hjá okkur. Það er bara nauðsynlegt að þessi leikur vinnist en það verður ekkert gefins. Það eru gamlar kempur í þessu liði ÍG og þetta verður erfitt. Við þurfum hins vegar bara að ná þessum fyrsta sigri og þá hef ég fulla trú á að fleiri fylgi í kjölfarið, segir Bjarni.
Tveir erlendir leikmenn kallaðir til
Norðanmenn hafa brugðið á það ráð að styrkja liðið ennfremur með tveimur erlendum leikmönnum sem verða að öllum líkindum með á morgun. Þetta eru Bandaríkjamaðurinn Spencer Harris sem er leikstjórnandi og Serbinn Darko Milosevic. Darko lék tvö síðustu tímabil með KFÍ en Harris hefur ekki leikið áður hér á landi. Þá hefur Atli Rafn Hreinsson bæst í hóp Þórs en hann lék áður með liði Snæfells og ljóst að breiddin hjá Þór fer stækkandi. Þór lá gegn Breiðabliki, 78-89, í síðasta leik eins og áður segir en liðin áttust við í Höllinni á Akureyri sl. helgi. Þar var títtnefndur Bjarni stigahæstur í liði Þórs með 17 stig og Sindri Davíðsson skoraði 16 stig.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
