Mikill áhugi á skólavist í framhaldsskólunum á Akureyri
„Við gerum ráð fyrir að nemendafjöldinn hjá okkur verði svipaður næsta haust og hann var síðastliðið haust, þ.e. um það bil 1400 nemendur í dagskóla," segir Hjalti Jón Sveinsson skólameistari Verkmenntaskólans á Akureyri. Rúmlega 1400 umsóknir bárust um skólavist, en Hjalti Jón kvaðst ekki eiga von á að allir umsækjendur myndu staðfesta skólavist. Hann sagði að hafna hefði þurft á annað hundrað umsækjendum að þessu sinni. „Aðsóknin er yfirleittt jöfn og góð í hinar ýmsu bóknámsbrautir," segir Hjalti Jón. Ljóst er aftur á móti, hvað verknámið varðar, að umsóknum í byggingagreinar fækkar á milli ára á meðan þeim fjölgar í sjúkraliðanám, málmiðnaðarnám og matvælanám.
Jón Már Héðinsson skólameistari Menntaskólans á Akureyri segir að skólinn hafi heimild til að hafa 740 nemendur samkvæmt fjárlögum, en heldur fleiri hafi verið teknir inn að þessu sinni og væntir hann þess að horft verði með góðvild til þess. Fjöldi umsókna barst frá nýnemum, bæði frá nemendum sem eru að koma upp úr 10. bekk og hafa lokið grunnskóla og eins frá hópi efnilegra nemenda sem lokið hafa 9. bekk. Úr þeim hópi sóttu nú helmingi fleiri en áður um skólavist. „Við höfum þurft að hafna um 30 nemendum, við gátum ekki tekið við öllum sem sóttu um skólavist hjá okkur, því miður," segir Jón Már.
Hann segir að boðaður niðurskurður í framhaldsskólum upp á 5% geri að verkum að þyngra verði fyrir fæti en áður. Hann segir að áhersla verði lögð á grunnþjónustu og líklegt sé að ýmis konar viðbótarþjónusta verði nú skorinn af, þjónusta sem bæði stóð nemendum og kennurum til boða. Nemendur verði nú sjálfir að vera meira á varðbergi gagnvart námi sínu og óska eftir aðstoð af fyrra bragði þurfi þeir á að henni að halda.
Nýjast
-
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí.