Mikil vonbrigði að Alcoa hafi hætt við
Valgerður Sverrisdóttir fyrrverandi þingmaður Framsóknarflokksins í Norðausturkjördæmi og ráðherra til margra ára, segir að það séu mikil vonbrigði að Alcoa hafi hætt við þau áform að byggja álver á Bakka við Húsavík. Valgerður var iðnaðaráðherra þegar skrifað var undir viljayfirlýsingu við Alcoa árið 2006 til undirbúnings uppbyggingu álvers þar.
Auðvitað vona ég að yfirlýsingar stjórnvalda og Landsvirkjunar um að áhersla verði lögð á atvinnuuppbyggingu á norðausturlandi á næstu árum eigi við rök að styðjast. Svæðið býr yfir gríðarlega mikilli orku sem ekki hefur verið virkjuð nema að litlu leyti. Eftir að núverandi ríkisstjórn var mynduð kom í ljós að ýmis ljón voru á veginum og þarf það reyndar ekki að koma á óvart miðað við hvernig alþingismenn úr vinstri flokkunum höfðu beitt sér gegn framkvæmdunum á Austurlandi, segir Valgerður.
Hún segist jafnframt hafa gert sér grein fyrir því að fyrirtækið Alcoa væri ekki áhugasamt um að fara með stórar fjárfestingar inn í lönd í andstöðu við ríkjandi stjórnvöld. Valgerður segir að þetta mál hafi svo sannarlega verið sér ofarlega í huga alla tíð, þar sem hún átti aðkomu að því í upphafi.
Þegar Norðlendingar sáu hvað framkvæmdir Alcoa á Austurlandi voru gríðarlega mikilvægar fyrir byggð á Austurlandi kom mikill þrýstingur þaðan um uppbyggingu álvera. Þetta var í minni tíð sem iðnaðarráðherra. Sveitarstjórnarmenn og íbúar í Norðurþingi, á Eyjafjarðarsvæðinu, í Skagafirði og Húnavatnssýslu stefndu allir á uppbyggingu álvera. Augljóst var að af þessu gæti ekki orðið. Því höfðum við í iðnaðarráðuneytinu frumkvæði að því að farið var í mjög mikilvæga greiningarvinnu í samstarfi við Alcoa og viðkomandi sveitarfélög. Húnvetningar komu reyndar óbeint að málinu. Markmiðið með starfinu var að finna út hvar á Norðurlandi hagkvæmast væri að byggja álver með tilliti til orkuöflunar, umhverfismála og fleiri þátta. Niðurstaðan var að Bakki við Húsavík væri æskilegasta svæðið. Í framhaldinu var undirrituð viljayfirlýsing til undirbúnings uppbyggingu álvers á Bakka.
Aðspurð segist Valgerður jafnframt óttast að grundvöllur Vaðlaheiðarganga hafi veikst með þessari niðurstöðu Alcoa. Hún hefur lengi talað fyrir mikilvægi Vaðlaheiðarganga og skrifaði m.a. grein í Tímann um það mál snemma á þingmannsferli sínu. Þá voru jarðgöng undir Vaðlaheiði ekki komin inn í umræðuna um jarðgöng á Íslandi.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
