Mikið um fyrirspurnir vegna árshátíðaferða
Sumarið var ágætt, það fór rólega af stað og júní var raunar ekki neitt sérstakur en í heildina kom það þokkalega út, segir Sigurbjörn Sveinsson hótelstjóri á Hótel Kea. Veðurfar í júní skipti þar miklu, en strax og fór að hlýna fjölgaði ferðamönnum.
Sigurbjörn segir að nýting í júlí hafi verið ágæt og ágústmánuður verið góður, þannig að i heildina hafi sumarið verið í meðallagi. Hann segir að það sem af er þessum mánuði hafi margt verið um manninn og útlit fyrir að september verði ágætur. Svo er fremur rólegt framundan, en það getur breytst, við fáum til okkar mikið af fólki sem m.a. kemur til að fylgjast með menningunni og fundum það vel í fyrrahaust þegar verið var að sýna Rocky Horror.
Það skiptir okkur því máli að eitthvað sé um að vera á menningarsviðinu, segir Sigurbjörn. Eins segir hann að alltaf sé töluvert um að vera á hótelinu í tengslum við atvinnulífið.Örn Árnason Amin rekstrarstjóri hjá Sæluhúsum segir að fyrsta heila sumarið i rekstri húsanna hafi komið vel út.
Miðað við að þetta er fyrirtæki í uppbyggingu, alveg nýtt og margt óunnið varðandi markaðssetningu þá var sumarið gott, segir Örn. Hann segir að útlitið fyrir komandi vetur sé ágætt, mikið sé um að fólk sem áður hafi gist hjá Sæluhúsum komi aftur eða ætli sér að koma í vetur. Skíðafólk gisti t.d. í töluverðum mæli í húsum félagsins. Þá segir hann að þessa stundina rigni inn fyrirspurnum frá fólki af suðvesturhorninu sem eru að skipuleggja árshátíðarferðir í haust og vetur.
Það er greinilega mikill áhugi fyrir því að koma norður og menn eru að leita tilboða. Núna er mikið um fólk sem er bara að slappa af og njóta lífsins. Akureyri hefur upp á margt að bjóða og greinilegt að íbúum höfuðborgarsvæðisins þykir gott að slaka á fyrir norðan, en hafa samt allt innan seilingar eins og góða veitingastaði, verslanir og fleira, segir Örn.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
