Miðnæturböð á Laugum
Þann 1. September síðastliðinn, á nýju tungli, opnaði fyrirtækið North Aurora Exclusive Baths miðnæturböð á Laugum í Reykjadal. Fyrirtækið hefur hingað til ekki síst gert út á norðurljósaböð í sundlauginni á Laugum.
Frá og með 1. september verður opið öll kvöld frá 22 til 01. Bryndís Pétursdóttir er hugmyndafræðingur og frumkvöðull þessa verkefnis, en Jón Friðrik Benónýsson er umsjónarmaður miðnæturbaðanna á Laugum.
En það er fleira í boði en tveir heitir 40°C pottar, sundlaug, kvöldhiminn og kyrrðin í sveitinni, ásamt oft stjörnum og norðurljósum. Öll ljós eru slökkt og einungis er notast við kerti og útilugtir til að ná sem bestri slökun og upplifun. Allir gestir fá aðgang að böðunum sem og flotvörum frá Float.is og teppi, lífræna bómullarsloppa (Scintilla), lífrænt kaffi, te og súkkulaði. Allir starfsmenn eru með sundpróf og skyndihjálparpróf, eru íslenskir og tala íslensku, ensku, dönsku og sænsku.
Að sögn Jóns Friðriks eru böðin ekki síst markaðssett fyrir ferðamenn, bæði innlenda og erlenda, en einnig er þetta upplögð upplifun fyrir minni og stærri vina- og vinnustaðahópa til að, „fljóta saman og eiga notalega stund,“ eins og Jón orðar það.
Einungis 40 manns fara ofan í í einu þannig að gestir geta notið þess að hafa nóg pláss og vera út af fyrir sig. „Við mælum með því að hópar panti fyrirfram í böðin, svo hægt sé að verða við óskum viðkomandi og uppfylla þær.”
Þau Bryndís og Jón standa ekki ein í þessi verkefni. „Við erum í samstarfi við hópinn Nærandi á Laugum, sem er hópur nuddara, snyrtifræðinga, hjúkrunarfræðinga og íþróttakennara sem búa hér á staðnum. Og einnig hægt að opna keramikverkstæðið í Listasmiðjunni á Laugum fyrir einstaklinga og minni hópa, þar sem gestir geta búið til sinn eigin norðurljósabolla til minningar um heimsóknina og fá síðan sendan heim eftir brennslu.” Sagði Jón Friðrik Benónýsson.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
