Meðaltekjur félagsmanna Einingar-Iðju 312.000 krónur
Samkvæmt nýgerðri kjarakönnun Einingar-Iðju eru meðalheildarlaun félagsmanna kr. 312.000 á mánuði. Í marktækum svarhópum eru heildarlaun hæst meðal bílstjórar/lager-/tækjastarfsmenn eða kr. 363.000 og síðan í flokknum annað eða kr. 358.000. Lægstu meðalheildarlaun eru í ræstingar/skólaliðar/leiðbeinendur eða kr. 258.000 og síðan kr. 272.000 í mötuneyti/veitingastörf.
Könnunin leiddi í ljós að á meðal fólks í 100% starfshlutfalli eru konur að jafnaði með rúmleg 15% lægri heildarlaun en karlar. Meðalheildargreiðslur karla voru rúmar 336 þúsund krónur, en meðalheildargreiðslur kvenna rúmar 282 þúsund krónur. Að teknu tilliti til aldurs, aldurs í öðru veldi, starfs, vinnufyrirkomulags (dagvinna/vaktavinna) og fjölda vinnustunda minnkaði munur á heildarlaunum í 7,4% (vikmörk +/- 7,9%) Því er með 95% vissu hægt að segja að meðal fólks á sama aldri, í sömu starfsgrein, með sama vinnufyrirkomulag og vinnur sama fjölda vinnustunda séu konur með á bilinu 14,6% lægri til 0,5% hærri heildarlaun heldur en karlar. Menntun hafði ekki marktæk áhrif á mun á heildarlaunum kynjanna.
Munurinn verður enn minni ef dagvinnulaun eru skoðuð. Meðaldagvinnulaun kvenna eru að jafnaði 1,6% lægri en karla. Meðaldagvinnulaun karla í 100% starfshlutfalli voru rúmlega kr. 237.000 en dagvinnulaun kvenna að meðaltali rúmlega kr. 233.000.
Að teknu tilliti til aldurs, aldurs í öðru veldi, starfs, vinnufyrirkomulags (dagvinna/vaktavinna) og fjölda vinnustunda minnkaði launamunur á dagvinnulaunum í 3,2% (vikmörk +/- 8,39%) Því er með 95% vissu hægt að segja að konur séu með á bilinu 11,5% lægri til 5,1% hærri heildarlaun heldur en karlar. Menntun hafði ekki marktæk áhrif á mun á heildarlaunum kynjanna. Meðaltal er ekki birt nema það samanstandi af 8 eða fleiri svarendum. Einungis eru birt svör þeirra sem voru í 70% starfshlutfalli eða hærra. Laun þeirra sem voru í 70-99% starfshlutfalli eru uppreiknuð miðað við 100% starfshlutfall. Þetta kemur fram á vef Einingar-Iðju.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.