Með stækkun verður til nýtt og dýrmætt land í hjarta bæjarins
Endurbygging Torfunefsbryggju hefur staðið til um skeið og hefur verið unnið að undirbúningi þess á vegum Hafnasamlags Norðurlands um skeið. Nú í vikunni auglýsti Hafnasamlag Norðurlands í samvinnu við Akureyrarbæ og Arkitektafélag Ísland til hugmyndasamkeppni um skipulag Torfunefs og má finna öll samkeppnisgögn á vef félagsins. Frestur til að skila inn hugmyndum lýkur 30. mars, en niðurstaðan verður kynnt 27. apríl næstkomandi.
Sigríður María Róbertsdóttir verkefnastjóri hjá Hafnasamlaginu segir að ásókn inn á þetta svæði hafi fari vaxandi, æ fleiri minni skemmtiferðaskip komi til Akureyrar og hafnsækin þjónusta hefur aukist mjög í bænum á liðnum árum.
Fyrirhugað er að reisa stálþilsbryggju töluvert utar en núverandi þil er, stækka uppland bryggjunnar og auka þannig nýtingarmöguleika svæðisins. „Með þessari fyrirhuguðu stækkun hafnarmannvirkja verður til land á mjög dýrmætum stað í bænum og það opnar svo sannarlega ýmsa möguleika sem geta orðið mikið aðdráttarafl fyrir íbúa, nærsveitarmenn og ferðamenn,“ segir hún, en svæðið sem um ræða er um 0,9 hektarar og er austan Glerárgötu.
Lágreist og lifandi hafnarhverfi
Sigríður María segir meginmarkmið verkefnisins að byggja upp lágreist og lifandi hafnarhverfi með fjölbreyttri starfsemi á Torfunefi, hjarta Akureyrar. „Í húsnæði sem byggt verður upp á svæðinu verður fjölbreyttur rekstur og starfsemi, ferðaþjónusta, veitingarekstur, verslanir, sýningarrými, vinnustofur eða skrifstofurými svo eitthvað sé nefnt,“ segir hún.
Undanfarin ár hefur hvalaskoðunarfyrirtæki haft aðstöðu innan svæðisins og er gert ráð fyrir að hvalaskoðunarbátar og önnur hafnsækin ferðaþjónusta nýti Torfunefið áfram. „Sú þjónusta passar sérlega vel með þeirri uppbyggingu sem fram undan er á svæðinu og mun án efa auka upplifun gesta.“
Með fyrirhugaðri stækkun hafnarmannvirkja við Torfunef verður til land á dýrmætum stað á Akureyri sem opnar margvíslega möguleika og eykur aðdráttarafl svæðisins.
Uppfylling við höfnina er þegar hafin, en stefnt er að því að reka nýtt þil niður við Torfunefsbryggju næsta haust. Vorið 2023 er svo ráðgert að steypa kantinn og að því loknu verður þekjan gerð klár. „Í lok næsta árs eða byrjun árs 2024 verður komið að uppbyggingu á nýju hafnarhverfi,“ segir Sigríður María.
/MÞÞ
Nýjast
-
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun
Athugasemdir