Margir illa að sér um hönnunar- forsendur Dalsbrautar
"Það sem ég sagði var, að því miður væru margir illa að sér um hönnunarforsendur götunnar og héldu að þarna ætti að leggja götu með 30 km hámarkshraða. Margir þeir hinir sömu teldu það líka eðlilegt þar sem þessi 1000 m langi spotti lægi fram hjá skóla og íþróttahúsi og tæki við umferð úr nýju hverfi þar sem hámarkshraði er alls staðar 30 km. Ég nefndi einnig að þessa misskilnings hefði líka gætt hjá einhverjum bæjarfulltrúa. Það var síðan annar bæjarfulltrúi sem fór í kjölfarið í pontu og lýsti yfir stuðningi við lagningu götunnar, enda væri þarna um vistgötu að ræða. Ég vil síðan árétta að í nýlegum drögum að hönnun götunnar var þess getið að 30 km hámarkshraði yrði að minnsta kosti á skólatíma framan við Lundarskóla. Í bæjarstjórn svaraði formaður bæjarráðs því til að þessa skýrslu hefði aldrei átt að birta.
Staðreyndin er sú að allar útreiknaðar forsendur fyrir þessum spotta, í allri sinni lengd, eru tengibraut með 50 km hámarkshraða. Ég hef spurt formann bæjarráðs, formann skipulagsnefndar, formann skólanefndar og formann umhverfisnefndar varðandi afstöðu þeirra til hámarkshraða á götunni. Aðeins formaður bæjarráðs hefur svarað og sagt að spottinn verði með 50 km hámarkshraða, hinir hafa ekki skoðun á málinu. Ég hvet alla íbúa sem áhuga hafa á þessu máli að kynna sér vel allar skýrslur um málið. Eru hér möguleikar til að ná sátt í erfiðu máli, eftir að stóra kosningarloforðið um stokkinn góða heyra sögunni til?"
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
