Magnað sjálfboðaliðastarf hjá Matargjöfum
Anna María Sigvaldadóttir formaður í Kvenfélaginu Baugi
Kvenfélagið Baugur í Grímsey hefur ávallt styrkt einhver góð málefni fyrir jólin. Fyrir þessi jól ætlar félagið að leggja sitt af mörkum til þeirra sem sjá um mataraðstoð til bágstaddra.
„Undanfarin ár höfum við styrk Mæðrastyrksnefnd á Akureyri og gerum það líka nú í ár, en bættum við styrk til þeirra Sigrúnar Steinarsdóttur og Sunnu Óskar Jakobsdóttir sem eru með „Matargjafir á Akureyri“. Þær eru að gera svo magnaða hluti í sjálfboðaliðastarfi,“ segir Anna María Sigvaldadóttir formaður í Kvenfélaginu Baugi, en þar á bæ var ákveðið að styrkja mataraðstoðina um 100 þúsund krónur.
Anna María segir að kvenfélagskonur þekki ekki til Sigrúnar og Sunnu en hafi heyrt af störfum þeirra og viljað umfram allt leggja þeim lið.
„Við höfum styrkt margvísleg málefni, Hollvini Sjúkrahússins og ýmsar safnanir sem fram fara á landsvísu,“ segir hún. „Kvenfélagið Baugur er góðgerðarfélag og við höfum það að leiðarljósi að styrkja starf í okkar heimabyggð og nær umhverfi.“
Safna í vetur fyrir nýrri kirkju
Anna María segir að félagið safni fé úti í Grímsey m.a. með því að elda fyrir Kiwanismenn þegar þeir halda fundi, einnig hafa þær staðið fyrir annarri matsölu eins og að efna til jólahlaðborðs
sólstöðuhátíð er haldin og þá selja þær varning af ýmsu tagi.
Alls eru 26 konur í félaginu og segir hún að 10 til 15 þeirra séu mjög virkar, það fari eftir því hver er stödd úti í eyju hverju sinni.
„Nú í vetur ætlum við að safna fyrir nýrri kirkju hér í Grímsey og fáum vonandi góða hjálp frá landsmönnum til þess verkefnis,“ segir Anna María.
/MÞÞ
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir