„Maður varð nú fertugur á árinu og er alltaf að öðlast meiri kraft“
Guðni Bragason er Húsvíkingum að góðu kunnur. Hann er tónlistarmaður og kennir jafnframt tónlist við Þingeyjarskóla en hann er með fleiri járn í eldinum, hann er framkvæmdastjóri Mærudaga 2016 og er rétt búinn að stofna viðburðafyrirtækið GB Viðburðir og stefnir á að gefa út sína fyrstu plötu á næstu vikum.
Guðni leit við á skrifstofu Skarps á dögunum og sagði frá því sem hann er að fást við.
Það verða Mærudagar í ár
„Ég er þessa dagana að skipuleggja dagskrá Mærudaga, þannig að það sé eitthvað við að vera fyrir alla,“ segir hann og blaðamaður heggur strax eftir því að Guðni talar um Mærudaga í fleirtölu en hátíðin var skorin niður á síðasta ári og varð að Mærudegi. „Þetta varð óhjákvæmilega að einum degi í fyrra en við ætlum að hafa þetta Mærudaga í ár. Tvo bókaða dagskrárdaga og hefjum kannski hátíðina með einhverju léttu á fimmtudeginum,“ segir hann. Vinnan við skipulagninguna gengur vel að sögn Guðna sem hefur átt gott samstarf við m.a. veitingastaði í bænum. „Já, og þeir eru búnir að vera skipuleggja sína eigin dagskrá sjálfir. Mitt er að skipuleggja dagskrána á hafnarsvæðinu, tónlistarviðburði á sviðinu. Ég ætla að fara setja dagskrána í loftið hvað úr hverju en stærsta númerið er hljómsveitin Greifarnir. Þeir eru að fagna 30 ára afmæli sínu í ár,“ segir hann.
Plata á leiðinni
En það eru fleiri en Greifarnir að fagna stórafmæli á þessu ári, Guðni varð sjálfur fertugur í janúar og ætlar að fagna með því að gefa út plötu.
Hvenær kemur platan út og hvað heitir hún?
„Maður varð nú fertugur á árinu og er alltaf að öðlast meiri kraft, ég vildi tengja það saman og það kom út sem XL sem eru
rómverskar tölur fyrir 40, ætli það verði ekki titillinn. Það er ekki komin föst dagsetning á útgáfu en ég vonast til að það verði fyrir Mærudaga,“ segir Guðni.
„Þetta er svona hefðbundin poppmúsík, tónlistin er að mestu leyti eftir mig sjálfan en textarnir í höndum þeirra Jóhanns Kristins [Gunnarssonar] og Hálfvitanna Odds
Bjarna, bibba og Sævars,“ segir Guðni aðspurður um hvernig plata þetta sé. Hann spilar á öll hljóðfæri sjálfur á plötunni, nema hann fær aðstoð með rafmagnsgítarleikinn, það er Pétur Valgarð Pétursson
sem sér um hann. „Maður er nú þeim eiginleikum gæddur að geta spilað á margt og þá kom ekkert annað til greina en að gera sem mest sjálfur,“ segir hann.
Ítarlegra viðtal við Guðna má nálgast í prentútgáfu Skarps.
- Skarpur, 23. júní.
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
