Lýðræði snýst um samræður og samvinnu
Hlín Bolladóttir
Leið mín lá í verslun á dögunum þar sem ég þurfti að kaupa ákveðinn hlut. Þegar heim var komið áttaði ég mig á að innihaldið vantaði í umbúðirnar og hafði ég í blindni treyst því að það væri á sínum stað. Ég velti því fyrir mér hvort ég ætti að heiðra verslunina aftur með nærveru minni og benda á þetta en gat þó alls ekki gert kröfu um að mér yrði trúað, frekar en öðrum. En ergilegt var þetta. Þetta varð mér svolítið umhugsunarefni þar sem ég hugsa mikið um lýðræðið þessa dagana í tengslum við kosningar og sá í svipan líkingu með þessu tvennu. Orðið og fyrirbærið lýðræði ber helst á góma í aðdraganda kosninga til þess að höfða til kjósenda og minna þá á að við eigum öll að hafa eitthvað um hlutina að segja og taka sameiginlegar ákvarðanir. En virkar lýðræðið? Einhver kann að hugsa sem svo að það felist lýðræði í því að kjósa sér fulltrúa til að sjá um málin og þurfa svo ekki að hafa áhyggjur meir á komandi kjörtímabili. Þetta held ég að sé hvorki hollt fyrir kjósendur, þá sem eru kjörnir eða samfélagið í heild. Kosningaloforð eru svolítið eins og stolin vara í misdýrum umbúðum. Það sem við ættum að lofa sjálfum okkur er að vera alltaf öll lýðræðislega virk og gæta þess að stjórnmálalegt umhverfi geri okkur það kleift. Í nýlega endurskoðaðri Aðalnámskrá grunnskóla er krafan um að kenna ungu kynslóðinni lýðræði eitt af höfuðatriðum. Það gerum við ekki nema það virki óumdeilanlega í heimi fullorðinna. Lýðræði virkar ekki nema við eigum stöðugt samtal um sameiginlega samfélagslega ábyrgð og fáum, á öllum tímum, að láta skoðun okkar í ljósi. Ef við höfum það ekki að leiðarljósi þá skapast sú hætta að gjá myndist á milli þeirra sem stjórna og samfélagsins. Góður stjórnandi hlustar og virkjar þá sem hafa þekkingu og reynslu á hverju málefni fyrir sig. Staðan í íslensku samfélagi er þannig í dag að það verður að leggja áherslu á málefni fólksins. Það verður að styrkja skólakerfið og heibrigðiskerfið og það gerum við ekki öðruvísi en að tryggja að þeir sem vinna að þeim málefnum komist af. Það verður að endurskoða lægstu laun og aðstæður þeirra sem fóru verst út úr efnahagslegu hruni á Íslandi. Dögun er framboð sem býður nú fram í fyrsta sinn til sveitarstjórnarkosninga og er stjórnmálaafl sem setur sanngirni, réttlæti og lýðræði í forgang.
Hlín Bolladóttir
Höfundur skipar 1.sæti Dögunar á Akureyri, stjórnmálasamtaka um sanngirni, réttlæti og lýðræði.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.