Lundarskóli fyrsti heilsueflandi grunnskóli bæjarins
Lundarskóli fékk í morgun staðfestingu Lýðheilsustöðvar á því hann sé kominn í hóp heilsueflandi grunnskóla. Lundarskóli er þar með fyrsti grunnskólinn á Akureyri sem starfar sem slíkur en alls starfa 30 grunnskólar í anda þessarar hugmyndafræði. Af þessu tilefni var stutt samvera starfsmanna og nemenda á lóð Lundarskóla í morgun, þar sem Þorgerður Sigurðardóttir skólastýra flutti ávarp, auk þess skólinn fékk í hendur merki heilsueflandi grunnskóla.
Þorgerður sagði það æskilegt að grunnskólarnir taki þessa hugmyndafræði upp því báðir framhaldsskólarnir í bænum eru heilsueflandi auk þess sem allir leikskólarnir á Akureyri vinna á svipuðum nótum. Verkefnið felur í sér að á næstu 5- 6 árum mun skólinn innleiða þá átta lykilþætti sem hugmyndafræðin gengur út á. Þessir þættir eru: mataræði og næring, hreyfing og öryggi, nemendur, lífsleikni, geðrækt, heimili, starfsfólk og nærsamfélag. Í haust byrjaði Lundarskóli að innleiða mataræði og næringu auk tannheilsu. Næst er það hreyfing og öryggi sem unnið verður að. Í skólanum starfar stýrihópur um þetta verkefni og í honum eru Þórdís Rósa Sigurðardóttir skólahjúkrunarfræðingur, Þorgerður Sigurðardóttir skólatýra, Guðrún Brynja Sigurðardóttir og Birgitta Guðjónsdóttir kennarar, Ágúst Sigvaldason matráður og tveir nemendur, Jón Heiðar Sigurðsson og Ólöf Rún Pétursdóttir. Tengiliður stýrihópsins er í samvinnu við landlækni og Lýðheilsustöð um þetta verkefni. Af þessu tilefni hefur skólinn fengið í hendur merki heilsueflandi grunnskóla. Sigurbjörg Rún Jónsdóttir, verkefnastjóri hjá skóladeild, afhenti fyrir hönd Gunnars Gíslasonar fræðslustjóra, þeim Jóni Heiðari og Ólöfu Rún, merkið formlega í morgun.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
