Lokaorðið - ,,Það er siðlaust að vera verjandi svona glæpamanns"
Hreiðar Eiriksson átti lokaorðið i blaðinu s.l fimmtudag
Ég er oft spurður um það hvort ég mundi taka að mér að vera verjandi kynferðisbrotamanns, barnaníðings eða hryðjuverkamanns sem hefði drýgt hroðaleg níðingsverk. Ég svara undantekningalaust játandi og margir verða undrandi og jafnvel hneykslaðir á svarinu. Afstaða mín stafar ekki aðeins af þeirri staðreynd að á mér hvílir lagaskylda til að gera þetta ef dómari skipar mig til þess eða lögregla tilnefnir mig. Um það hef ég ekki val. Þetta er bæði lagaleg og siðferðisleg skylda mín. Ég hef líka orðið var við að lögreglumenn og saksóknarar hafa í sumum tilvikum tilhneigingu til að amast sakamálaverjendum, halda þeim utan við málin og reyna að komast hjá því að fara að lögum sem skylda þá til að afhenda verjendum afrit af málsskjölum og upplýsa þá um gang rannsókna. Aðfarir af þessu tagi benda til viðhorfa um að verjandinn sé andstæðingur þeirra og að menn samsami hann sakborningi. Að verjandinn sé í rauninni bandamaður eða samsærismaður með glæpamönnum. Slíkar hugmyndir eru hættulegar réttaröryggi borgaranna.
Ellefti maðurinn.
Mig langar tíl að rifja upp söguna um "Ellefta manninn". Þannig var að vestur í Bandaríkjunum var starfrækt 11 manna herforingjaráð sem hafði það hlutverk að taka ákvörðun um hernaðaraðgerðir sem mögulegt var eða talið nauðsynlegt að grípa til. Slíkar ákvarðanir eru stórar og afdrifaríkar og þess vegna var ákveðið að hafa oddatölu herforingja í ráðinu svo tryggt væri að meirihluti væri fyrir þeim hernaðaraðgerðum sem ákveðnar voru. Eitt sinn háttaði svo til að allir hershöfðingjarnir voru einróma um augljósa þörf og ávinning af tiltekinni hernaðaraðgerð og að mannfall yrði minniháttar eða ekkert. Aðgerðin var framkvæmd og reyndist hafa skelfilegar afleiðingar, mannfall og kostnað. Rótargreining leiddi í ljós að einróma ákvarðandi eru líklegastar til að vera misráðnar og illa ígrundaðar. Við þessu var brugðist með því að nota aðverð sem kölluð er "Ellefti maðurinn". Hún felst í því að þegar allir eru einum rómi, koma menn saman og draga númer úr hatti. Sá sem fær töluna 11 fær hlutverk "Ellefta mannsins". Hans eina hlutverk er að fara í harða andstöðu við hina einróma afstöðu, finna og taka saman allar mögulegar upplýsingar og rökstuðning fyrir því að áformin séu misráðin og ekki væri ráðlegt að ráðast í hernaðaraðgerðina sem um ræðir.
Sameiginleg sannleiksleit lögreglu og verjanda.
Það má segja að hlutverk verjanda í sakamálarannsóknum og meðferð þeirra fyrir dómi sé hlutverk "Ellefta mannsins". Hans hlutverk er að gagnrýna af einurð það sem fulltrúar meirihlutans eru orðnir sammála um að sé hið rétta og finna alla mögulega vankanta á því. Með þessu móti verða rannsóknir vandaðri, niðurstöður þeirra traustari og réttaröryggi meira. Þetta leiðir til þess að líklegra er að sannleikurinn verði leiddur í ljós og það er tilgangur refsivörslukerfis í réttarríki. Komi menn í veg fyrir að verjandi geti unnið störf sín eins og lög mæla fyrir um verða þeir þess valdandi að rannsókn verður óvönduð og niðurstaða hennar verður ótraust. Þá aukast að sama skapi líkur á því að menn verði dæmdir til refsingar fyrir brot sem þeir hafa ekki framið.
Nýjast
-
Bókarkynning - Riðið í strauminn með Hermanni Árnasyni
Út er komin hjá Bókaútgáfunni Hólum bókin Með frelsi í faxins hvin – riðið í strauminn með Hermanni Árnasyni, sem Hjalti Jón Sveinsson hefur skráð. Allt hestafólk, hvar svo sem á landinu það býr, kannast við hestafrömuðinn Hermann Árnason á Hvolsvelli. Hann hefur stundað hestamennsku frá blautu barnsbeini og hafa tamning hrossa og meðferð þeirra, auk hestaferða, verið hugsjón hans alla tíð. Sum verkefni hans hafa verið hans eru með ólíkindum, eins og Vatnareiðin 2009 þegar hann reið, ásamt félögum sínum, yfir allar ár sem á vegi þeirra urðu frá Höfn í Hornafirði og vestur fyrir Hvítá í Árnessýslu. Að sjálfsögðu er sagt frá því ferðalagi í bókinni og einnig er fjallað Stjörnureiðina svokölluðu sem Hermann skipti í tvo 40 daga leiðangra, árin 2016 og 2018, og reið þá þvers og kruss yfir landið, á þann hátt að ferðirnar mynduðu orðið stjörnu þegar hann fór af hestbaki í lokin hennar. Þá segir frá Flosareiðinni 2016 þegar Hermann og tveir félagar hans riðu í spor Flosa í því skyni að sannreyna frásögn Njálssögu. Hér á eftir verður gripið niður í þá frásögn -
Vinnumálastofnun með viðveru á Húsavík
Vinnumálastofnun mun á næstu vikum hafa aukna viðveru á Húsavík. Starfsfólk þeirra mun hafa aðstöðu á Skrifstofu stéttarfélaganna, Garðarsbraut 26, venju samkvæmt. -
Norðurþing - Jólabærinn minn, viltu taka þátt?
Það verður sannkölluð jólastemming í Norðurþingi alla aðventuna! Fyrirtæki, íbúar og stofnanir eru hvött til standa fyrir viðburðum eða uppákomum til að koma íbúum, sem og gestum og gangandi, í jólaskapið. -
Sæfari siglir á ný
Sæfari hefur hafið siglingar á ný milli Dalvíkur og Grímseyjar eftir að hafa verið í slipp allan október vegna viðhalds. Fyrsta áætlunarferðin er í dag, með siglingu til Hríseyjar, og á morgun fer fyrsta ferðin til Grímseyjar eftir hléið. -
Þegar veikindi mæta vantrú
Það er fátt sem reynir meira á mann en að verða veikur, nema kannski að upplifa að manni sé ekki trúað. Þegar líkaminn bregst, en samfélagið virðist efast. Þegar fólk sem stendur í daglegu stríði við orkulítið líf og stöðug hjartsláttarónot finnur að kerfið sér það ekki. -
„Sofðu rótt í alla nótt“– Um stöðu íslenskunnar, lestrarmenningu og ákall til okkar sjálfra
Hvenær verður vandi að krísu? Að íslensk leikskólabörn séu æ oftar farin að spjalla sín á milli á ensku, telja á ensku, þekkja litina á ensku: Vandi eða krísa? Að nærri helmingur drengja geti ekki lesið sér til gagns: Vandi eða krísa? Að Ísland sé neðst Norðurlanda þegar kemur að lesskilningi nemenda, og að staðan sé sú að fá þátttökuríki PISA hafi lækkað jafnmikið frá síðustu aldamótum: Vandi eða krísa? -
Bakþankar bæjarfulltrúa - Afsakið kemst ekki á fundinn
Ég biðst afsökunar á því að komast ekki á fundinn núna á fimmtudaginn. Þar hefði ég sannarlega viljað vera og heyra álit ykkar á skipulagsmálum. Ekki síst þeirri þéttingarstefnu sem bæjaryfirvöld hafa sett á oddinn nú um alllangt skeið. -
Jóhannes Geir frá Öngulsstöðum hlaut viðurkenningu fyrir störf í þágu ferðaþjónustu
Jóhannes Geir Sigurgeirsson frá Öngulsstöðum í Eyjafjarðarsveit hlaut viðurkenningu fyrir störf í þágu ferðaþjónustu á uppskeruhátíð ferðaþjónustunnar á Norðurlandi sem haldin var í Skagafirði nýverið. -
Bágt ástand malarvega
Alvarlegt ástand malarvega í Þingeyjarsveit var til umræðu á fundi sveitarstjórnar á dögunum, en á þessu kjörtímabili hefur sveitarstjórn bókað þrisvar sinnum um bágt ástand þeirra.
