Lokaorðið - Á hvítum sokkum
Ásta F. Flosadóttir átti lokaorðið í blaði s.l viku.
Einusinni var ég klædd í hnéháa hvíta sporsokka, ægilega fallega, enda átti að fara í fermingarveislu í sínu fínasta pússi. Ég vildi hvorki fara í sokkana eða kjólinn sem mér var ætlaður og meðan mamma var að sjæna sig þá laumaðist ég út, í fínu sokkunum og gúmmískónum, húsaúlpuna yfir fína kjólinn.
Ræsið undir veginn neðan við fjósið var stíflað og yfir tjörninni var þunnur klaki sem flæddi sumsstaðar yfir. Þarna við og á veginum voru margir drullupollar og þar stundaði Ásta miklar vatnsveituframkvæmdir með hyggjuvitið og gúmmískóna að vopni. Þarna dundaði litli verkfræðingurinn dágóða stund og skeytti lítið um klæðnaðinn enda mikill skurðgröftur og stíflugerð í gangi. Hvað ætli ísinn við veginn þoli mikið? Eina leiðin auðvitað að prófa. Svo óhikað var lagt út á ísinn. Skemmtilegt hljóð þegar vatnið þrýstist undan klakanum. Hvað ætli gerist ef ég hoppa?
Eina leiðin að sjálfsögðu, að prófa… ísinn þoldi minna en ég hélt. Kalt vatnið og drulluleðjan, blönduð afrennsli úr fjósinu,þrýstust innundir úlpuna og upp um hálsmálið. Drulluslettur yfir hár og andlit. Fæturnir sukku í drulluna á botninum og þar með fastir. Það varð mér til happs að skurðurinn var gamall og handgrafinn, ekki djúpur og á skurðbakkanum var girðing sem ég náði að grípa í og krafla mig þannig uppúr. Gúmmískórnir urðu eftir á botninum og ekki að sjá á sokkunum að þeir hefðu einusinni verið hvítir. Það var hvorki hlýtt né þægilegt að staulast heim og trúlega hafa móttökurnar ekki verið hlýlegar heldur, ég man það ekki.
Ekki man ég heldur hvernig fór með veisluna en hvíta sporsokka var ég aldrei klædd í aftur…..
Nýjast
-
KA er Íslandsmeistari í blaki kvenna 2023-24
KA er Íslandsmeistari í blaki kvenna eftir stórkostlegan 2-3 endurkomusigur að Varmá í Mosfellsbæ í dag. Stelpurnar okkar lentu 2-0 undir í hrinum en sneru enn einum leiknum sér í vil og standa uppi sem Íslandsmeistarar þriðja árið í röð! -
Jonna Jónborg Sigurðardóttir bæjarlistamaður Akureyrar 2024
„Markmiðið er að færa listina út til fólksins. Koma með listina til þess í stað þess að það komi í ákveðna sali eða gallerí til að skoða listaverk,“ segir Jonna Jónborg Sigurðardóttir bæjarlistamaður á Akureyri árið 2024. Hún vinnur að undirbúningi sýningar sem nefnist Ferðalag. Það hefst nú á starfsàrinu og stendur í tvo mánuði. Einnig er hún á fullu við að hanna og útbúa svöng ruslatröll sem prýða munu nokkra rusladalla á Akureyri. -
Undirbúningur fyrir hátíðarhöld sjómannadagsins á Akureyri hafinn.
Sjómannadagurinn var endurvakinn á Akureyri í fyrra og tókst vel til, svo vel að undirbúningur er hafinn fyrir hátíðarhöld á komandi sjómannadag fyrstu helgina i júni. -
Kvarssandur frá PCC gæti orðið að varnargörðum við náttúruvá
Verkefnið Sterk steypa vann fyrstu verðlaun í áskorun PCC Bakki Silicon, á Krubbi-hugmyndahraðhlaupi sem haldið var á STÉTTINNI á Húsavík í mars -
Norðurorka - Leit að leka í hitaveitu með drónum
Dagana 7.-11. maí munu starfsmenn frá umhverfisverkfræðistofunni ReSource International gera lekaleit á hitaveitu fyrir hönd Norðurorku. Að þessu sinni yfir Eikar- og Daggarlundi á Akureyri, í Eyjafjarðarsveit (Hrafnagilshverfi, Kristnes og austan frá Kaupangi fram að Stóra Hamri) og á Svalbarðseyri. -
Ferðafélag Akureyrar og Stóri-plokkdagurinn - Félagsmenn tóku til hendinni að venju
„Okkur finnst minna um rusl núna en undanfarin tvö ár, sem ef til vill er vegna þess að svæðið er hreinsað skipulega á hverju ári,“ segir Þorgerður Sigurðardóttir formaður Ferðafélags Akureyri. Stóri-plokkdagurinn var haldinn um liðna helgi og tóku félagsmenn FFA til hendinni að venju -
Kveðjutónleikar og útgáfuhóf í Sögulokum Hrundar Hlöðversdóttur
Sögulok er yfirskrift viðburðar sem Hrund Hlöðversdóttir efnir til í félagsheimilinu Laugarborg í Eyjafjarðarsveit á laugardaginn, 4. maí. Þar kveður hún sveitunga sína, en Hrund hefur búið í Eyjafjarðarsveit undanfarin 16 ár, þar af var hún skólastjóri Hrafnagilsskóla um 12 ára skeið ár. Sögulokin eru jafnframt útgáfuhóf því um þessar mundir kemur út þriðja og síðasta bók Hrundar í þríleik hennar um Svandísi og félaga hennar. Sú heitir ÓLGA, kynjaslangan. -
Fiðringur í HOFI þriðja sinn 8. maí n.k.
Fiðringur á Norðurlandi verður haldinn í HOFI þriðja sinn þann 8. maí kl 20. Skrekkur í Reykjavík og Sjálftinn á Suðurlandi eru fyrirmyndir Fiðrings sem er dýrmætur vettvangur fyrir unglingana á Norðurlandi eystra til að láta rödd sína heyrast. -
Listasafnið á Akureyri: Nemendasýningar opnaðar á laugardaginn
Laugardaginn 4. maí kl. 15 verða tvær sýningar opnaðar í Listasafninu á Akureyri: Nemendasýning Myndlistaskólans á Akureyri, Sjónmennt 2024, og útskriftarsýning nemenda listnáms- og hönnunarbrautar VMA, Bragðarefur.
Athugasemdir