Lítur þokkalega vel út með jólaverslun
Þetta lítur allt saman ágætlega út og menn eru sáttir við það sem komið er, segir Ragnar Sverrisson formaður Kaupmannafélags Akureyrar og nágrennis um jólaverslun. Tíð hefur verið sérlega góð undanfarið og færð á vegum eins og best verður á kosið, þannig að margt hefur verið um manninn í bænum undanfarið og þá einkum um helgar. Ragnar segir að á sama tíma í fyrra, um og upp úr miðjum nóvember hafi verið snjór, leiðindaveður og ófærð, þannig að ólíku sé saman að jafna.
Veður og færð skipta gríðarlega miklu máli, þegar tíð er góð eins og núna er mikið um fólk úr nágrannabyggðum á ferli í bænum, raunar allt frá Djúpuvík og að Djúpavogi ef því er að skipta, segir Ragnar. Hann kveðst þokkalega bjartsýnn á komandi jólaverslun, hljóðið í kaupmönnum sé alveg bærilegt. Það er enginn að væla neitt og menn búast við að þetta verði ágætt, segir hann.
Vilborg Jóhannsdóttir kaupmaður í Centro, sem bæði er með verslun í miðbænum og á Glerártorgi segir að jólaverslun leggist vel í sig, en kaupmenn eru sem óðast að klæða verslanir sínar í jólabúning og stefna að því að ljúka við að skreyta fyrir komandi helgi. Hún segir íbúa úr nágrannasveitum dýrmæta viðskiptavini og því skipti góð færð á vegum og gott veður miklu máli. Mikið hafi verið um aðkomufólk í bænum liðnar helgar, jafnan sé mikið um að vera í bænum, í menningar,- íþrótta-, og félagslífi og fólk því á ferðinni í ýmsum erindagjörðum.
Verslun er afþreying, fólk sem hingað kemur gefur sér tíma til að líta við í verslunum bæjarins og sjá hvað í boði er. Að mínu mati er úrvalið ótrúlega gott og fjölbreytt og við getum verið stolt af bænum okkar, segir Vilborg. Ég er nokkuð bjartsýn á jólaverslun í ár og það er alltaf gaman þegar mikið er að gera eins og í kringum jólin.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
