Líneik Anna Sævarsdóttir tilkynnir framboð
Líneik Anna Sævarsdóttir.
Líneik Anna Sævarsdóttir Alþingismaður, sem búsett er á Fáskrúðsfirði býður sig fram í 1.-3. sætið á lista Framsóknarflokksins í Norðausturkjördæmi. Þetta kemur fram í tilkynningu sem hún sendi frá sér í gær.
Hún er fædd 1964 og uppalin á Fljótsdalshéraði en hefur búið á höfuðborgarsvæðinu, á Vesturlandi og býr nú í Fjarðabyggð. Líneik er líffræðingur með kennsluréttindi og hefur lengst af starfað við fræðslumál, hún hefur setið á þingi frá 2013. Þá hefur hún unnið að sveitarstjórnarmálum og öðrum félagsstörfum.
„Ég legg áherslu á að vinna með hagsmuni allra Íslendinga að leiðarljósi, frá sjónarhóli þess sem hefur lifað og starfað í Norðausturkjördæmi meirihluta ævinnar. Ég er tilbúin að hlusta á fjölbreytt sjónarmið og leggja mitt að mörkum til að finna lausnir sem byggja á grunngildum lýðræðis, jafnræðis og samfélagslegrar ábyrgðar.
Ég er tilbúin að starfa að þeim málum sem eru stærst og brýnust hverju sinni og jafnframt er ég tilbúin að vinna að málum sem oft virðast léttvæg og fá litla athygli.
Ég lít þannig á að stærstu og brýnustu málin sé efnahagur ríkisins, einstaklinga og fyrirtækja. Jafnrétti og jafnræði íbúa landsins er afar mikilvægt og þar eru samgöngur í víðasta skilningi lykilþáttur. Hófsama nýtingu náttúruauðlinda tel ég grundvöll íslensks efnahagslífs, og samspil manns og náttúru vera viðvarandi viðfangsefni stjórnmálanna. Mín sérstöku baráttumál er gott aðgengi að menntun, bættar samgöngur, jafnrétti í víðum skilningi og umhverfismál.
Ég er tilbúin að leggja mitt lóð á vogarskálarnar til að stuðla að liðsheild og góðum vinnuanda í kringum þau verkefni sem ég sinni, hvort sem er innan flokksins, í nefndum þingsins eða á öðrum vettvangi.
Á þingi hef ég verið fyrsti flutningsmaður á tveimur þingsályktunartillögum um Fjarnám á háskólastigi og náttúrustofur, verið meðflutningsmaður á þingsályktunum og þingmálum, lagt fram fyrirspurnir um ólík mál og verið framsögumaður á málum fyrir hönd nefnda. Tíminn hefur verið lærdómsríkur og tel ég mig hafa færi á að bæta árangur minn í starfi, fái ég til þess umboð.
Með framboðinu vil ég gefa Framsóknarfólki í Norðausturkjördæmi valkosti við röðun á lista flokksins og ég tel mikilvægt að konur og karlar raðist jafnt í fyrstu sæti allra lista flokksins,“ segir hún í tilkynningunni.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.