Leikskólinn Álfasteinn í Hörgársveit stækkar í takt við fjölgun í sveitarfélaginu
Nýjasti hluti leikskólans Álfasteins í Hörgársveit var tekin í notkun á dögunum, en um er að ræða ungbarnadeild sem fengið hefur nafnið Ljósálfadeild. Við vígslu deildarinnar var einnig tekin í notkun ný starfsmannaaðstaða. Með þeirri stækkun sem nú var tekin í notkun er pláss fyrir 90 börn á leikskólanum. Þau eru nú rétt yfir 60 talsins. Alls starfa 25 manns hjá Álfasteini í 23 stöðugildum. Kvenfélagið í Hörgársveit gaf leikskólanum 500 þúsund krónur að gjöf til leikfangakaupa í tilefni af stækkuninni.
Leikskólinn Álfasteinn tók fyrst til starfa sumarið 1995, í 114 fermetra rými og pláss fyrir 16 börn, starfmenn voru þrír. Leikskólastjóri var Rannveig Oddsdóttir en Hugrún Hermannsdóttir tók við haustið 1997 og hefur gengt starfinu síðan. Hún segir að í fyrstu hafi fá börn dvalið allan daginn eða alla daga á leikskólanum en smám saman hafi þörfin aukist og börnum fjölgað
Þegar komið var fram á árið 2006 var farið að þrengja verulega að starfseminni og engin starfsmannaaðstaða var fyrir hendi. Til að mæta brýnni þörf var byggð 160 fermetra viðbygging og hún tekin í notkun í mars 2007. Jókst þá fjöldi barna upp í 32.
„Það fylltust fljótlega öll rými og næstu árin var leikskólinn fullsetinn,“ segir Hugrún. Í kringum árin 2013 og 14 fór börnum í leikskólanum að fækka og kom upp umræða um að búa til deild í kjallara Þelamerkurskóla en horfið frá þeim áformum enda jókst aðsókn á ný og árið 2017 voru öll pláss nýtt og biðlisti hafði myndast. Á ný var ráðist í stækkun, nú um 110 fermetra og við það fékkst betri starfsmannaaðstaða og stærri forstofa fyrir börnin. Verkið gekk fljótt og vel fyrir sig, skóflustunga tekin 1. mars 2019 og verki lauk 5. ágúst sama ár. Þá var einnig unnið að endurbótum á eldra starfsmannarými og útbúin deild fyrir 3ja til 6 ára börn. Leikskólinn var þá orðin tveggja deild, tæplega 400 fermetrar að stærð og börnin orðin 44 talsins.
Fjölgun íbúa og ráðist í stækkun leikskólans
„Á þessum tíma var orðið ljóst að fram undan væri mikil fjölgun íbúa í sveitarfélaginu og að stækka þyrfti leikskólann með því að bæta við einni deild. Hafist var handa við þá framkvæmd í mars árið 2020 og byggð upp 160 fermetra viðbygging við leikskólann. Ári síðar var þriðja deildin tekin í notkun ásamt íþróttasal sem hefur notið mikilla vinsælda,“ segir Hugrún, en á þeim tíma var leikskólinn 544 fermetrar að stærð, deildirnar þrjár og börnin orðin 53 auk þess sem starfsfólki hafði einnig fjölgað.
Það var svo í fyrra sumar sem hafist var handa við byggingu fjórðu deildarinnar við leikskólann, nýrrar ungbarnadeildar sem opnuð var formlega um liðna helgi. Sú ber nafnið Ljósálfadeild, en fyrir eru Dvergadeild, Trölladeild og Álfadeild. Byggingar leikskólans eru nú tæplega 900 fermetrar.
„Með þessari nýjustu stækkun eru dvalarpláss hjá okkur fyrir 90 börn, þau eru nú ríflega 60 þannig að það er pláss fyrir góðan hóp til viðbótar,“ segir Hugrún. Samhliða viðbyggingum var leikskólalóðin teiknuð upp á nýtt og framkvæmdum skipt upp í þrjá hluta sem öllum er lokið.
Með sól í hjarta
Einkunnarorð leikskólans Álfasteins eru „Með sól í hjarta“ og segir Hugrún að á leikskólanum sé unnið sé eftir hugmyndarfræði Heilsustefnu Unnar Stefánsdóttur og Jákvæðs aga. Þá nefnir hún að leikskólinn sé grænfánaskóli og skógurinn umhverfis hann sé nýttur sem leiksvæði. „Við erum líka með Lubba sem finnur málbein, en það er málörvunar- og hjóðanámsefni auk þess að nota stærðfræðiverkefnið MÍÓ, en allt þetta kennum við í gegnum leikinn sem er undirstaða alls á Álfasteini,“ segir hún.
Axel Grettisson oddviti Hörgársveitar, Jóhanna María Oddsdóttir formaður fræðslunefndar, Snorri Finnlaugsson sveitarstjóri og Hugrún Hermannsdóttir leikskólastjóri
Mynd frá Álfasteini
Frá vígslu nýju byggingarinnar
Nýjast
-
Nýsköpun: Tækifæri og áskoranir þema Sjónaukans í ár
Það má búast við lífi og fjöri í Háskólanum á Akureyri í næstu viku þegar Sjónaukinn, árleg ráðstefna Heilbrigðis-, viðskipta- og raunvísindasviðs HA fer fram dagana 15. og 16. maí. Ráðstefnan hefst klukkan 9 báða dagana og fer fram bæði á íslensku og ensku. Öll eru velkomin til þess að taka þátt á staðnum eða í streymi. Venju samkvæmt er dagskráin metnaðarfull og fjölbreytt með fjölda málstofa auk pallborðsumræðna sem endurspegla þema ráðstefnunnar í ár sem er Nýsköpun: Tækifæri og áskoranir. -
Hagnaður af rekstri Sparisjóðs Suður-Þingeyinga 205 milljónir króna
Aðalfundur Sparisjóðs Suður-Þingeyinga var haldinn 8. maí s.l. í félagsheimilinu Breiðumýri í Reykjadal. Rekstur sparisjóðsins gekk vel á síðasta ári, hagnaður af starfseminni var 204,7 milljónir króna eftir skatta. Um síðustu áramót voru heildareignir sparisjóðsins 13,1 milljarðar króna og hafa aukist um 840 milljónir á milli ára. Innlán voru á sama tíma um 11,5 milljarðar. Eigið fé sparisjóðsins var 1,3 milljarður í árslok og lausafjárstaða er sterk. Í stjórn sparisjóðsins voru kjörin Andri Björgvin Arnþórsson, Elísabet Gunnarsdóttir, Eiríkur H. Hauksson, Margrét Hólm Valsdóttir og Sigríður Jóhannesdóttir. Varamenn, Bergþór Bjarnason og Pétur B. Árnason. Stuðningur við íþróttastarf barna og ungmenna HSÞ Á aðalfundinum var tilkynnt að Sparisjóðurinn muni styrkja íþróttastarf barna og ungmenna hjá aðildarfélögum Héraðssambands Þingeyinga (HSÞ) um samtals 11 milljónir króna á árinu. Nánari útfærsla verður kynnt aðildarfélögunum á næstunni. -
Samkomulag um eins árs framlengingu á samstarfsamningi bæjarins og ríkisins um menningarmál undirritaður
Lilja Alfreðsdóttir, menningar- og viðskiptaráðherra, og Ásthildur Sturludóttir, bæjarstjóri, undirrituðu í gær samkomulag um eins árs framlengingu á samstarfsamningi bæjarins og ríkisins um menningarmál og gildir hún út árið 2024. -
Líforkuver leitar eftir búnaði til að hreinsa metan
Félagið Líforkuver ehf. var stofnað í lok síðasta árs, til að fylgja eftir áformum um uppbyggingu líforkuvers á Dysnesi. Líforkuver ehf. hefur leitað eftir vilja stjórnar Norðurorku til að fá að nota, þegar fram í sækir, þann búnað sem nú er nýttur til hreinsunar á metangasi, til hreinsunar á metani í fyrirhuguðu metanveri. Ef vilji til samstarfs um þetta mál er fyrir hendi, myndi stjórn Líforkuvers ehf. bjóða Norðurorku að leggja búnaðinn inn í óstofnað félag sem hlutafé. Stjórn Norðurorku hefur tekið jákvætt í erindið að því gefnu að notkun búnaðarins verði hætt hjá Norðurorku. -
Auto ehf bregst ekki við tilmælum HNE um tiltekt á lóð
Ekki hefur verið brugðist við kröfum Heilbrigðisnefndar Norðurlands eystra um tiltekt á lóð fyrirtækisins Auto ehf. á Setbergi á Svalbarðsströnd, en farið var fram á slíkt í byrjun febrúar síðastliðnum. Forgangsverkefni var að fjarlæga ökutæki og aðra lausamuni sem blasa við frá þjóðvegi. Á sama fundi voru forsvarsmenn fyrirtækisins hvattir til að geyma ökutæki sín á til þess ætluðum svæðum. Númerslausum bílum í eigu fyrirtækisins er enn komið fyrir hér og hvar innan bæjarmarka Akureyrar, en frá áramótum hafa um 20 bílar í eigu félagsins verið teknir í vörslu bæjarins. -
Mental ráðgjöf og Mögnum sameina krafta sína í þágu geðheilbrigðis á vinnustöðum á Norðurlandi.
Mental ráðgjöf, brautryðjandi í stefnumótandi nálgun til eflingar geðheilbrigðis á vinnustöðum, og Mögnum, öflugt ráðgjafafyrirtæki á sviði mannauðsmála á Akureyri hafa tekið höndum saman og áætla að vinna í nánu samstarfi í þágu geðheilbrigðis á vinnustöðum á Norðurlandi. -
Lokaorðið - Áhrifamáttur bæjarmiðla
Ég sem Húsvíkingur þekki vel til bæjarblaða. Víkurblað, með Jóhannes Sigurjónsson í stafni, var ætíð lesið spjaldanna á milli í hverri viku. -
Litla Hryllingsbúðin hjá Leikfélagi Akureyrar í haust
Stórleikkonan Ólafía Hrönn Jónsdóttir leikur í söngleiknum Litla Hryllingsbúðin sem Leikfélag Akureyrar setur upp í Samkomuhúsinu í haust. Hún fer með hlutverk tannlæknisins. Kristinn Óli Haraldsson, tekur þátt í uppsetningunni en Króli mun leika Baldur blómasala. -
Lóðarhafi við Hamragerði fengið um 1,4 milljónir í dagsektir vegna umgengni
„Við höfum sent út reikninga fyrir um 1,4 milljónum króna frá því samþykkt var að leggja dagsektir á lóðarhafa við Hamragerði 15,“ segir Leifur Þorkelsson framkvæmdastjóri Heilbrigðiseftirlits Norðurlands eystra. Dagsektir voru fyrst lagaðar á 26. febrúar síðastliðinn vegna brota um umgengni og þrifnað utan húss á starfssvæði nefndarinnar sem og vegna brota á meðhöndlun úrgangs.
Athugasemdir