Leikskólar verði sameinaðir
Í undirbúningi er að leggja niður stöður deildarstjóra og sameina leikskóla á sama tíma og hlutverk skóla- og aðstoðarskólastjóra verður styrkt. Þetta hefur þegar verið samþykkt í skólanefnd bæjarins. Skólanefnd hefur samhljóða samþykktað tillögur stýrihóps um endurskoðun stjórnkerfis skóla á Akureyri verði lagaðar fram til umræðu og óskar eftir ábendingum um þær.
Tillögurnar voru kynntar á síðasta fundi skólanefndar, en samkvæmt þeim á m.a. að fara varlega í að sameina skóla milli skólastiga nema þá í tilraunaskyni sýni stjórnendur skóla vilja til þess. Gert er ráð fyrir að grunnskólar séu heildstæðir með að jafnaði 450 til 500 börn, undantekning þar á er Oddeyrarskóli með um 220 börn. Ekki á að raska hverfaskiptingu með því að sameina grunnskóla. Hvað leikskóla varðar er miðað við að stærð þeirra sé á bilinu 90 til 150 börn.Stýrihópurinn lagði í skýrslu sinni fram bæði almennar tillögur og sértækar.
Lagt er til í hinum almennu tillögum að leikskólar í bænum verði sameinaðir til að falla að gefnum stærðarviðmiðunum, þá er lagt til að stöður deildarstjórar í leikskólum verði lagðar niður og hlutverk skólastjóra og aðstoðarskólastjóra verði styrkt. Þá er lagt til að ráðinn verði starfsmaður, sérfræðingur í mannauðsstjórnun til að styðja skólastjórnendur í starfsmannamálum. Samræma á innkaup og stjórn skólamötuneyta og taka upp samræmdan matseðil sem taki mið af gæðastuðlum Lýðheilsustofnunar.Síðusel og Holtakot sameinist og Flúðir og Pálmholt. Með sameiningu Síðusels og Holtakots yrði til stofnun með 100 rýmum, en þar eru nú samtals 97 börn, segir í hinum sértæku tillögum stýrihópsins sem leggur til að starfsemi leikskólanna tveggja geti í fyrstu skipst á tvo staði. Þá er nefnt að með sameiningu Pálmholts og Flúða verði til stofnun með 134 rýmum, en þar eru nú alls 140 börn. Skólarnir séu staðsettir hlið við hlið og því ætti að vera auðvelt að koma starfseminni fyrir í óbreyttu fyrirkomulagi.
Krógaból er í leiguhúsnæði í Glerárkirkju og verður næstu 10 ár, en hópurinn leggur til að byggt verði yfir leikskólann við Síðuskóla sem þá verði með rými fyrir 120 börn. Þá er horft til þess að byggt verði við Síðusel og Lundarsel þannig að í framtíðinni mun hvor skóli um sig rúma allt að 100 börn. Sunnuból er einnig í leiguhúsnæði en samningur rennur út í lok árs 2013 og leggur hópurinn til að leigusamningur verði ekki framlengdur, en leikskólinn lagður niður og börnum sem í honum eru verði deilt á milli Lundarsels og Naustatjarnar, enda búi þau flest hver í hverfum sem liggja að þessum leikskólum.
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
