Leigjendur á Borgum fá reikning fyrir fasteignagjöldum
Leigjendur húsnæðis á Borgum við Háskólann á Akureyri hafa nú nýverið fengið í hendur reikning frá Fasteignum ríkisins vegna ógreiddra fasteignagjalda . Um er að ræða samningsbundna greiðslu, en það sem komið hefur leigjendum á Borgum á óvart er að reikningur kemur í einu lagi og með einum gjalddaga.
Fasteignaskattur var ekki lagður á skólahúsnæði þegar húsið á Borgum var byggt, en tekinn upp síðar. Um er að ræða fasteignagjöld fyrir árin 2007-2011 og er heildargreiðsla stofnana að Borgum á þessu tímabili rúmar 46 milljónir króna. Fram kemur í leigusamningi að leigjendur skuli greiða slíkan skatt verði hann tekinn upp. Fasteignafélagið Reitir sem á og rekur húsnæðið að Borgum sendi af einhverjum ástæðum ekki út reikninga fyrir fasteignagjöldum til Fasteigna ríkisins, fyrr en nú nýverið. Á dögunum urðu miklar umræður um hátt leiguverð á Borgum og hljóp þá kergja í viðræður sem staðið höfðu yfir m.a. um lækkun á leigu.
"Reitir eru í fullum rétti á að innheimta þessar greiðslur, þær eru samningsbundnar og eiga ekki að koma leigjendum á óvart. Það sem ef til vill kemur mönnum í opna skjöldu er að reikningurinn er sendur út í einu lagi og með einum gjalddaga. Menn höfðu vonast til að fá svigrúm, þannig að hægt væri að greiða þetta yfir lengri tíma," segir Úlfar Hauksson forstöðumaður fjármála Háskólans á Akureyri. Háskólinn er með um það bil helming alls húsnæðis á Borgum á leigu og nemur hlutur hans rúmum 20 milljónum króna.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
