Leiðakerfi SVA í endurskoðun
Leiðakerfi Strætó á Akureyri hefur verið til endurskoðunar að undanförnu. Sagt er frá þessu á vef Akureyrarbæjar.
„Reynt er að hafa þá vinnu í sem mestu samráði við íbúa og hagsmunaaðila og m.a. hafa verið haldnir opnir fundir til að fjalla um þessa vinnu og heyra sjónarmið sem flestra,“ segir í tilkynningunni.
Rúna Ásmundsdóttir umferðarverkfræðingur hjá Eflu hefur séð um vinnuna að mestu. Hún kynnti greinargerð sem unnin hefur verið um málið á íbúafundi í Hofi mánudaginn 23. maí sl. „Fundurinn var vinnufundur og sú leið sem fundarmönnum hugnaðist best virtist vera tveggja leiða kerfið með frekari útfærslum þó önnur sjónarmið kæmu fram einnig,“ segir jafnframt í tilkynningunni en greinargerðina má lesa hér.
Nýjasta útfærslan snýst um að rauðu leiðirnar verði tvær, ein í aðra áttina og önnur í hina áttina til að stytta hringinn og komast yfir stærra svæði. Áfram hefur verið unnið með þá hugmynd. Drög að þeirri útfærslu má sjá með því að smella hér.
Mögulega þarf að gera breytingar á bláu leiðinni líka til þess að vagnar nái tveimur hringjum á klukkustund.
Þá kemur fram í tilkynningunni að allar ábendingar séu vel þegnar og einnig að hagsmunaaðilar geti óskað eftir fundum til að koma sínum sjónarmiðum á framfæri. /epe.
Tekið er við ábendingum og spurningum á netfangið: sva@akureyri.is.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
