Lagning Dalsbrautar yrði í stefnuskrá Sjálfstæðisflokksins
"Miðað við umræður virðist því lítið haldið á lofti að margir sjálfstæðismenn styðja lagningu Dalsbrautar á milli Miðhúsabrautar og Þingvallastrætis. Það eru síðan enn færri sem vita að fyrir síðustu sveitarstjórnarkosningar samþykkti framboðslisti sjálfstæðismanna á Akureyri að lagning Dalsbrautar yrði eitt af stefnumálunum. Í vinnslu stefnuskrárinnar týndist þetta stefnumál af einhverjum orsökum. Kom það flatt upp á marga," segir Unnsteinn Jónsson m.a. í grein sem hann skrifar á vef flokksins.
Unnsteinn skipaði 10. sæti á lista Sjálfstæðisflokksins fyrir síðustu bæjarstjórnarkosningar og er fyrrverandi nefndarmaður í skipulagsnefnd. Ólafur Jónsson bæjarfulltrúi og oddviti Sjálfstæðisflokksins á Akureyri, segir að það séu ekki ný tíðindi að það hafi verið skiptar skoðanir meðal sjálfstæðismanna á Akureyri um lagningu Dalsbrautar, líkt og í öðrum flokkum. "Stefnuskráin verður til eftir prófkjör í flokknum og vinnu í kjölfar þess og endurspeglar megináherslur flokksins á hverjum tíma. Það er mikill samhljómur með mér og Unnsteini varðandi áhersluna um að hafa götuna alla með hámarkshraða 30 km/klst og í samræmi við tillögur mínar í þeim efnum í bæjarstjórn. Því miður gékkst L-listinn ekki inn á það," segir Ólafur.
Hann segir að aðrar tillögur Unnsteins um nánari útfærslu götunnar séu góðra gjalda verðar en gangi ekki upp að svo komnu máli. "Í einhverjum tilvikum vegna mikils aukakostnaðar í ljósi þess að gatan er ekki nauðsynleg vegna umferðarþunga í fyrirsjáanlegri framtíð og eins eftir nánari skoðun verkfræðinga s.s. varðandi hringtorg á gatnamótum Þingvallastrætis og Dalsbrautar. Tillögur hans varðandi það að hnika götunni eitthvað til um nokkra metra, sem tilraun til að lágmarka skerðingu og nýtingu á grænum svæðum eða sem sárabót til KA, get ég ekki metið enda hef ég ekki sömu þekkingu á rekstri knattspyrnufélags líkt og Unnsteinn," segir Ólafur.
Grein Unnsteins má finna á: islendingur.is
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
