Læknastofur Akureyrar færa starfsemi sína á Glerártorg
Guðni Arinbjarnar bæklunarskurðlæknir og einn eigenda Læknastofa Akureyrar og Eyjólfur Gunnarsson framkvæmdastjóri hjá Eik fasteignafélagi við undirritun leigusamningsins.
Eik fasteignafélag hf. og Læknastofur Akureyrar hafa undirritað leigusamning um hálfa efri hæðina í verslunar- og þjónustumiðstöðinni Glerártorgi á Akureyri. Í fréttatilkynningu segir að samningurinn hafi í för með sér mikla og góða uppbyggingu fyrir Glerártorg. Læknastofur Akureyrar flytja starfsemi sína þangað í ágústmánuði í öfluga nútímalega læknastofu sem verður mun stærri en sú sem rekin er fyrir á Akureyri.
„Læknastofur Akureyrar eru fyrirtæki sérfræðilækna, sem hafa að markmiði að vera leiðandi innan læknisfræðilegrar- og annarrar heilsutengdrar þjónustu. Starfsemin samanstendur af hefðbundnum læknastofum með sérfræðimóttöku og skurðstofu, þar sem ferilverkaaðgerðir eru framkvæmdar. Einnig munu ýmsir sérfræðingar hafa aðstöðu á læknastofunum,“ segir í tilkynningu.
Guðni Arinbjarnar bæklunarskurðlæknir og einn eigenda Læknastofa Akureyrar, sagði við undirritun leigusamnings að hann hefði lengi verið með augastað á að færa starfsemi sína í stærra og betra húsnæði á Akureyri og væri því afar spenntur að hefja starfsemi á Glerártorgi. Þetta væri því gleðiefni bæði fyrir hann og viðskiptavini sem kæmu víða að en einkum frá Norður- og Austurlandi.
Eyjólfur Gunnarsson, framkvæmdastjóri hjá Eik fasteignafélagi, sagði að samningurinn væri afar jákvæður fyrir Glerártorg þar sem fjöldi gesta á Glerártorgi myndi aukast talsvert við komu Læknastofa Akureyrar. Umsvif verslunarmiðstöðvarinnar á Glerártorgi væru í sókn og þessi nýi leigutaki er góð viðbót við þá fjölbreyttu verslun og þjónustu sem í boði er á Glerártorgi.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.