Kvikmyndasýning, spjall og spil, tónleikar og barnagaman í Hofi
Kvikmyndaklúbburinn KvikYndi stendur fyrir kvikmyndasýningu í samstarfi við Menningarhúsið Hof í kvöld, miðvikudagskvöldið 5. október kl. 20.00 í aðalsal Hofs, Hamraborg. Heimildarmyndin Jón og séra Jón eftir Steinþór Birgisson fékk frábærar viðtökur og var sýnd fyrir fullu húsi í Bíó Paradís og hlaut einnig áhorfendaverðlaun Skjaldborgar 2011.
Um myndina: Séra Jón Ísleifsson hefur verið sóknarprestur í Árnesi Ströndum í 12 ár. Hann lifir lífinu á sinn eigin sérstæða máta og af honum eru margar sögur bæði sannar og ósannar. Í kjölfar langvinnra deilna innan safnaðarins er svo komið að mikill meirihluti sóknarbarna hefur skrifað undir vantraust á séra Jón og lýst því yfir að þau vilji ekki að hann starfi lengur sem sóknarprestur í Árnesprestakalli. Er séra Jón óhæfur prestur? Eða eru aðrir kraftar að verki? Hvað sem því líður er séra Jón maður sem er staddur á miklum tímamótum. Jón og séra Jón er mynd sem beðið hefur verið eftir!
Páll Óskar og Jón Ólafsson eiga skemmtilegt spjall og spil á sviðinu í Hamraborg á morgun, fimmtudagskvöldið 6. október kl. 20:30. Margir muna eflaust eftir þáttum Jóns Ólafssonar, Af fingrum fram, sem voru á dagskrá RÚV í þrjá vetur en þættirnir nutu fádæma vinsælda. Síðastliðna vetur hefur Jón boðið til sín góðum gestum á sviðið í Salnum í Kópavogi við fádæma undirtektir. Nú kemur hann loks í Hof og gestur hans að þessu sinni verður Páll Óskar. Gestir eru hvattir til þess að tryggja sér miða sem fyrst á þessa einlægu kvöldstund í Hofi.
Greifarnir sem hafa verið ein allra ástsælasta hljómsveit landsins frá árinu 1986 fagna 25 ára starfsafmæli með tónleikum í Hofi þann 8. október kl. 20. Jafnframt eru þessir tónleikar útgáfutónleikar í tilefni þriggja diska útgáfu GREIFARNIR, fyrstu 25 árin" sem er safn 40 bestu laga Greifanna og tónlistarmyndbanda. Á efnisskrá tónleikana verða flest vinsælustu lög Greifana og einnig nokkur sem ekki eru jafn þekkt en í sérstöku uppáhaldi hjá drengjunum sjálfum. Felix Bergson sem var fyrsti forsöngvari Greifana mun svo mæta aftur eftir langa fjarveru og taka nokkur lög með sínum gömlu félögum. Felix tók lagið með Greifunum á Mærudögum á Húsavík í sumar við frábærar undirtektir þeirra sem heyrðu og sáu. Stórsöngvarinn Óskar Pétursson verður einnig gestur þetta kvöld og mun sveipa tónlist Greifanna klassískum blæ. Gulli Helga útvarps- og sjónvarpsmaðurinn góðkunni verður sérstakur kynnir og sögumaður á tónleikunum. Hann mun grípa niður hér og þar í sögu Greifanna með aðstoð gamalla myndbanda og ljósmynda og varpa skemmtilegu ljósi á ýmislegt í langri sögu sveitarinnar. Gulli var einmitt kynnir á Músíktilraunum þegar Greifarnir sigruðu árið 1986.
Þá verður skemmtileg morgunstund í Hofi sunnudaginn 09. október kl. 12:00-14:00 fyrir yngstu kynslóðina. Brynhildur Kristinsdóttir myndlistarkona tekur á móti börnunum og leiðir þau í listsköpun. Allir velkomnir og enginn aðgangseyrir.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
