Kristinn og Víkingur Heiðar með tónleika í Hofi
Kristinn Sigmundsson og Víkingur Heiðar Ólafsson fytja einn áhrifamesta ljóðasöngbálk sögunnar í Hofi.
Tveir af fremstu listamönnum þjóðarinnar, bassasöngvarinn Kristinn Sigmundsson og pínaóleikarinn Víkingur Heiðar Ólafsson, halda tónleika í Hofi í dag, laugardaginn 3. desember kl 15.00. Þar flytja þeir ljóðabálkinn Vetrarferðina eftir Franz Schubert en verkið samdi hann árið 1827, ári fyrir andlát sitt. Víkingur segir að þetta verk sé einn stærsti ljóðasöngbálkur sögunnar og að margra mati einn sá áhrifamesti.
Kristinn hefur sungið þetta verk í 30 ár og þetta er verk sem hann hefur vaxið með og verkið vaxið með honum. Ég er í raun að koma að þessu verki í fyrsta sinn á þessu ári en við vorum með tónleika í Hörpu í júní, sem voru mjög skemmtilegir. Í framhaldinu var svo ákveðið að vera með þessa tónleika í Hofi og taka svo verkið upp í þessum mánuði og gefa út á geisladiski. Það verður okkar fyrsti diskur saman, sagði Víkingur.
Hann segir að Kristinn sé á hátindi ferils síns og hafi reyndar verið það sl. 10 ár. Í Vetrarferðinni eru 24 lög og tekur verkið um klukkutíma í flutningi. Umfjöllunarefnið er um einsemd mannsins, um mann sem tekst á við ástarsorg og heldur út í náttúruna í vetrarferð. Þetta er gríðarlega stórt listaverk og það eru miklar víddir í því. Verkið er mjög áhrifamikið þegar maður heyrir það í held og er þannig að það er eiginlega ekki hægt að rjúfa heildina. Ef maður byrjar á fyrsta laginu verður að ljúka því síðasta, sagði Víkingur.
Troðfullt var á tónleikum Kristins og Víkings Heiðars í Hörpu í sumar og fékk flutningur þeirra mjög góða dóma. Þetta var mjög stór stund fyrir mig að fá að standa á sviðinu með Kristni og í þessu verki. Stóri salurinn hentaði mjög vel og ég hef aldrei spilað á tónleikum í jafn rafmögnuðu andrúmslofti, sagði Víkingur.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.