Kristinn hættir sem framkvæmdastjóri íþróttadeildar
Kristinn hefur verið framkvæmdastjóri íþróttadeildar í á tíunda ár og hann segir að þessi tími hafi verið góður og að það hafi verið einstaklega ánægjulegt að fá að taka þátt í þeirri miklu uppbyggingu sem átt hefur sér stað á Akureyri á þessum tæpa áratug. "Það hefur verið mikill uppgangur hér á þessum tíma og þessa vegna geng ég afar ánægður frá borði. Sú reynsla og þekking sem ég hef verið svo heppinn að ávinna mér við störf mín fyrir Akureyrarbæ ásamt vinnu með góðu fólki er mér dýrmæt og þetta starf hefur gefið mér mikið."
Kristinn segir að Akureyringar geti verið mjög stoltir yfir því þjónustustigi sem boðið er upp á þessum málaflokki. "Þeir sem hafa verið í forystu í bæjarmálunum hafa tekið stundum djarfar en góðar ákvarðanir varðandi það að byggja hér upp. Mitt mat er að það þjónustustig sem hér er boðið upp á, í þessu tæplega 18.000 manna samfélagi, sé nálægt því að vera heimsmet. Hins vegar búum við það að vera stanslaust borin saman við höfuðborgarsvæðið, þegar við erum í samkeppni um íbúa. Fólk horfir m.a. á það að hvað er í boði þegar það er að velja sér búsetu."
Kristinn segir að Akureyrarbær reki skíðasvæðið í Hlíðarfjalli eitt og sér en á höfuðborgarsvæðinu sameinist ein níu sveitarfélög um að reka skíðasvæðin þar. Lengi vel var eitt knattspyrnuhús á höfuðborgarsvæðinu og annað slíkt hús á Akureyri. Þá séu tvær skautahallir í Reykjavík og ein hér.
Uppbyggingin að skila sér
"Auðvitað velta eflaust einhverjir því fyrir sér hvort eðlilegt hafi verið að leggja svona háar fjárhæðir í uppbyggingu þessa málaflokks á undanförnum árum og er það mjög eðlilegt. Ég tel hinsvegar að uppbyggingin sé að skila okkur bættu samfélagi með öflugra íþrótta- og forvarnarstarfi. Þá má ekki gleyma öllum þeim viðburðum á vegum íþróttafélaganna sem fara fram í glæsilegum íþróttamannvirkjum okkar Akureyringa sem leiða til verðmætasköpunar í bænum. Hlíðarfjall og Sundlaug Akureyrar eru svo annað dæmi um þjónustu fyrir ferðamenn og óhætt að segja að starfsemi þeirra hafi skapað bæði atvinnu og verulegar tekjur fyrir okkar litla hagkefi á Akureyri. Ég tel mig hafa verið lánsamann að hafa fengið það tækifæri að vinna fyrir sveitafélagið mitt á undanförnum árum og þannig fengið tækifæri til að hjálpa til við mótun þess og vil þakka öllu því góða fólki sem ég hef unnið með fyrir gott samstarf," sagði Kristinn.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
