Krabbameinsfélagið styrkt með Gotti
Styrkurinn afhentur.
Hönnunarfyrirtækið FærID afhenti Krabbameinsfélaginu nýlega framlag vegna sölu á Gott fyrir Gott, slaufunammi til stuðnings Bleiku slaufunni. Um er að ræða verkefni sem hófst fyrir haustið 2010, en Gott fyrir Gott var selt í 15 g og 100 g pokum um land allt og var allur ágóði til styrktar Krabbameinsfélaginu. Það eru Herborg Harpa Ingvarsdóttir og Þórunn Hannesdóttir sem standa á baki verkefninu og var markmið þeirra að víkka markhóp bleiku slaufunnar og vinna hugmynd þar sem Bleika slaufan væri fyrir alla. Þær afhentu nýverið Krabbameinsfélaginu framlag að upphæð einni milljón króna.
Það var einstaklega gaman að vinna þetta verkefni með FærID. Þetta er skemmtileg hugmynd og sýnir hversu mikil gróska er í íslenskri hönnun. Herborg og Þórunn eru sérlega hugmyndaríkar og kraftmiklar og það hefur verið mjög gefandi að vinna með þeim, sagði Ragnheiður Haraldsdóttir forstjóri Krabbameinsfélagsins þegar hún tók við framlaginu. Herborg og Þórunn eru afar þakklátar fyrir þau viðbrögð sem þær hafa fengið við verkefninu. Við erum búnar að eiga gott samstarf við Nóa Siríus og alla söluaðila Gottsins sem allir voru virkir þátttakendur í verkefninu með því að selja Gottið án álagningar segir Herborg.
Þórunn vill einnig koma á framfæri þakklæti til annara sem hafa komið að verkefninu: Það er að mörgu að hyggja þegar vara sem þessi er sett á markað og við höfum því leitað til margra fyrirtækja okkur til aðstoðar sem hafa tekið okkur og verkefninu afar vel segir Þórunn í fréttatilkynningu.
Á myndinni eru f.v., Laila Sæunn Pétursdóttir markaðs- og fjáröflunarstjóri Krabbameinsfélagsins, Herborg Harpa Ingvarsdóttir og Þórunn Hannesdóttir hjá FærID og Ragnheiður Haraldsdóttir forstjóri Krabbameinsfélagsins.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.