Kór Akureyrarkirkju fetar nýjar slóðir
Akureyrarkirkja
Kór Akureyrarkirkju undir stjórn Eyþórs Inga Jónssonar mun ásamt jasshljómsveit halda tónleika í Akureyrarkirkju sunnudaginn 8. maí kl. 20:00 þar sem flutt verða sönglög eftir Tómas R. Einarsson og Sigurð Flosason. Lagahöfundarnir verða báðir í hljómsveitinni sem spilar með kórnum, Tómas R. spilar á bassa og Sigurður á saxófón. Þriðji í hljómsveitinni verður Gunnar Gunnarsson á píanó. Kór Akureyrarkirkju hefur í gegnum tíðina sungið tónlist af ýmsum toga og nú fetar hann nýja slóð með því að flytja tónlist eftir Tómas R. Einarsson og Sigurð Flosason.
Lög Tómasar eru allt frá því að vera klassísk sönglög upp í djass og blús en tónlist Sigurðar er sálmalög. Bassaleikarinn og tónskáldið Tómas R. Einarsson hefur gefið út fjölda diska með frumsaminni tónlist. Þar hefur djass og latíntónlist verið í öndvegi en Tómas hefur einnig gefið út söngdiska í samstarfi við ýmsa söngvara, þar á meðal diskinn Mannabörn þar sem Tómas fékk m.a. til liðs við sig söngkonuna Sigríði Thorlacius.
Gunnar Gunnarsson útsetti lögin á plötunni fyrir kór og afraksturinn var gefinn út í nótnaheftinu Mannabörn Tómasar R. árið 2014. Úr þessu nótnahefti flytur Kór Akureyrarkirkju nokkur lög Tómasar við ljóð hans, Halldórs Laxness, Snorra Hjartarsonar, Kristínar Svövu Tómasdóttur og Sigurðar Guðmundssonar. Saxófónleikarinn Sigurður Flosason hefur til fjölda ára verið í framvarðasveit íslenskrar djasstónlistar og einnig hefur hann lagt lið dægurtónlist af ýmsum toga. Hann hefur gefið út fjölda geisladiska, fyrst og fremst djass, en einnig hefur hann fengist við sálmatónlist.
Árið 2010 var gefið út nótnaheftið Sálmar á nýrri öld með 26 nýjum frumsömdum sálmalögum Sigurðar við ljóð Aðalsteins Ásbergs Sigurðssonar og þar má fullyrða að hafi bæst margar ómetanlegar perlur við íslenska sálmatónlist. Sigurður útsetti sálmana fyrir blandaðan kór og nokkra þeirra flytur Kór Akureyrarkirkju á tónleikunum 8. maí. Gunnar Gunnarsson píanóleikari og organisti er Akureyringur í húð og hár. Hann vakti fyrst athygli þegar hann spilaði dægur- og djasstónlist í hljómsveitum á Akureyri, m.a. með þeim Eydalsbræðrum. Hann færði sig síðar í kirkjutónlistina og hefur verið organisti og kórstjóri í Reykjavík. Hann hefur mikið unnið með bæði Tómasi R. Einarssyni og Sigurði Flosasyni og á þessum tónleikum á hann útsetningar á lögum Tómasar og ennig lagði hann Sigurði lið við frágang nótnaheftisins Sálmar á nýrri öld.
Nýjast
-
Þrjár umsóknir um stöðu skólameistara í VMA og tvær um Framhaldsskólann á Húsavík
Þrjár umsóknir bárust um stöðu skólameistara Verkmenntaskólans á Akureyri og tvær um stöðu skólameistara Framhaldsskólans á Húsavík. -
Danssýning Steps Dancecenter sló í gegn – kraftur lista og hreyfingar á Akureyri
Listdansskólinn Steps Dancecenter hélt glæstan dansviðburð á Akureyri síðast liðinn sunnudag í Hofi þar sem fleiri hundruð gesta nutu þess að sjá nemendur skólans stíga á svið með kraft, sjálfstraust og dansgleði. -
Senn líður að því að Hlíðarfjall verði opnað á ný!
Nú er allur snjór að hverfa úr fjallinu enda tíðin með eindæmum góð. Svæðið virðist koma vel undan vetri og getur undirbúningsvinna fyrir sumaropnun hafist mjög fljótlega. -
HSN tilnefnd til þriggja Nýsköpunarverðlauna hins opinbera 2025
Nýsköpun gegnir stóru hlutverki í starfsemi Heilbrigðisstofnunar Norðurlands (HSN) þar sem markvisst er unnið að því að bæta þjónustu, hagræða ferlum og skapa jákvætt og árangursríkt vinnuumhverfi. Það er því ánægjulegt að þrjú verkefni stofnunarinnar hafi verið tilnefnd til Nýsköpunarverðlauna hins opinbera 2025. -
Norðurþing og Carbfix undirrita viljayfirlýsingu
Sveitarfélagið Norðurþing og Carbfix hf. hafa undirritað viljayfirlýsingu um samstarf varðandi uppbyggingu og rekstur athafnasvæðis til móttöku, niðurdælingar og bindingar CO2. -
Akureyri - Fyrsta skólfustungan að nýjum leikskóla
Heimir Örn Árnason, formaður fræðslu- og lýðheilsuráðs, tók í dag fyrstu skóflustunguna að nýjum leikskóla sem rísa mun við Naustagötu í Hagahverfi á Akureyri. Leikskólinn hefur hlotið heitið Hagasteinn. -
Krabbameinsfélag Akureyrar og nágrenni og Ferðafélag Akureyrar Leið til að njóta náttúru og samveru
Krabbameinsfélag Akureyrar og nágrennis í samstarfi við Ferðafélag Akureyrar ætlar að bjóða upp á tvær göngur í maí og júní. Göngurnar eru fyrir einstaklinga sem greinst hafa með krabbamein og aðstandendur. -
Samorkuþing fjölmenn ráðstefna í orku- og veitumálum hefst á Akureyri á fimmtudaginn
Samorkuþing verður sett kl. 9.30 í Hofi n.k. fimmtudag. Þingið er haldið á þriggja ára fresti á Akureyri og hefur aðsóknin aldrei verið meiri en í ár. Óhætt er að segja að Akureyri verði undirlögð af starfsfólki orku- og veitufyrirtækja um allt land, en 620 manns eru skráð til leiks á þingið. -
Góð gjöf til Krabbameinsfélags Akureyrar og nágrennis
Krabbameinsfélag Akureyrar og nágrennis fékk á dögunum góðan styrk frá árgangi 2008 sem útskrifaðist úr Hrafnagilsskóla vorið 2024.