Kemst Þór í úrslitaleikinn í bikarnum í fyrsta skipti?
Páll Viðar mætir með sitt sterkasta lið til leiks og hann vonast eftir því góðum stuðningi frá áhorfendum. "Bara það að eiga möguleika á að komast í úrslitaleikinn ætti að vera mikil hvatning fyrir okkur. ÍBV er með eitt besta lið landsins og við þurfum að eiga mjög góðan leik til að eiga möguleika. Við þurfum líka fullan völl af fólki, háværa og glaða stuðningsmenn til að hjálpa okkur yfir þennan þröskuld," sagði Páll Viðar.
Heimir Hallgrímsson þjálfari ÍBV sagði að leikurinn leggðist vel í sig og hann mætir einnig með sinn öflugasta mannskap til leiks. "En ég get lofað því að þetta verður hörkuleikur og mikil barátta. Þórsararnir spila af krafti og við verðum að vera tilbúnir í þann bardaga, því annars fer illa. Við vitum að það verður góð stemmning á Akureyri í kvöld og margt fólk. Rétt fyrir þjóðhátíð býst maður ekki við mörgum Vestmannaeyingum á Akureyri, þannig að stuðningurinn verður Þórsara. Það er líka ástæða til að hrósa stuðningsmönnum Þórs, þeir eru alveg frábærir og hafa sýnt langbesta stuðninginn sem ég hef séð í sumar. Þeir eiga hrós skilið fyrir það og við gerum okkur alveg grein fyrir því hversu erfiður þessi leikur verður fyrir okkur. Við verðum að eiga toppleik til að vinna á Akureyri. Við eigum ekki góðar minningar frá deildarleiknum og mér fannst að við hefðum átt að fá meira út úr þeim leik. Þórsararnir unnu vel fyrir þeim sigri, voru mjög duglegir og því má segja að þeir hafa átt skilið að vinna," sagði Heimir.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
