„Kannski læt ég drauminn rætast“
Dóra Ármannsdóttir hefur starfað við Framhaldsskólann á Húsavík (FSH) frá árinu 1992. Framan af kenndi hún íslensku og bókmenntir en haustið 2012 skipti hún um hlutverk og tók við embætti skólameistara FSH. Dóra hefur nú beðist lausnar frá embætti og lætur af störfum í sumar. Hún lítur yfir farinn veg og segir frá ferlinum, áhugamálunum og hvað tekur við í hennar lífi.
Dóra tekur á móti blaðamanni Skarps á heimili sínu með rjúkandi ferskt kaffi og býður honum sæti í betri stofunni. Gunnlaugur Stefánsson maður hennar og lífsförunautur situr inn á skrifstofu og vinnur í bókhaldi á meðan.
Dóra Ármannsdóttir er glæsileg kona og hefur alltaf lagt mikla ástríðu í það sem hún tekur sér fyrir hendur, hún var alla tíð vinsæll kennari og eftir að hún tók við embætti skólameistara hefur hún verið vel liðin af samstarfsfólki sínu. Hún á að baki 24 ár við Framhaldsskólann á Húsavík og hefur séð tímana tvenna. En hvað varð til þess að hana langaði að verða kennari?
„Ég hef svolítið hugsað þetta og oft verið spurð, einlæga svarið er að ég hef verið svo heppin að vera með góða kennara alveg frá barnaskóla og upp úr,“ segir Dóra og hugsar sig um stutta stund áður en hún heldur áfram: „Ég man eftir því þegar ég var í Gagganum á Húsavík [þar sem FSH er nú til húsa] á sínum tíma og ég er ekkert að grínast með þetta, það var búið að að hringja bjöllunni, ég sat við gluggann við listaverkið á ganginum og ég sé kennarana labba inn með námsbækurnar, svolítið spekingslegir sumir. Ég meira að segja man hvaða kennarar þetta voru sem gengu þarna inn í stofu; Kristrún Karls, Sigurjón Jóhannesson og fleiri. Þá hugsa ég með mér að það sé örugglega ekkert galið að vera kennari. Ég var samt alltaf viss um að ég myndi kenna eldri nemendum, mér fannst ég ekki vera barnakennari í mér. Þetta var svona fyrsta vísbendingin um hvað ég vildi verða.” Viðtalið í heild má nálgast í prentútgáfu Skarps. /epe.
- Skarpur, 30. júní.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
