Kaffihús rís í Lystigarðinum á Akureyri
Skrifað undir verksamninginn. Mynd: Þorgeir Baldursson.
Í dag var undirritaður verksamningur um byggingu kaffihúss í Lystigarðinum á Akureyri. Fasteignir Akureyrarbæjar sömdu við BB byggingar ehf. um að reisa húsið og er áætlað að verklok verði í maí á næsta ári. Húsið verður 180 fm. Þar verður veitingasala og einnig seldir minjagripir. Samninginn undirrituðu Eiríkur Björn Björgvinsson, bæjarstjóri, fyrir hönd Akureyrarbæjar og Sigurður Björgvin Björnsson fyrir hönd BB bygginga.
Með þeim á meðfylgjandi mynd eru Björgvin Steindórsson, forstöðumaður Lystigarðs Akureyrar, og Guðríður Friðriksdóttir, framkvæmdastjóri Fasteigna Akureyrarbæjar. Að neðan gefur að líta teikningu af kaffihúsinu sem rísa mun í Lystigarðinum. Þetta kemur fram á vef Akureyrarbæjar.
Alls bárust þrjú tilboð í byggingu kaffihússins og fullnaðarfrágang á húsi og lóð og voru þau öll yfir kostnaðaráætlun, sem hljóðaði upp á 59,4 milljónir króna. Stjórn Fasteigna Akureyrarbæjar samþykkti að hafna öllum tilboðunum en taka upp viðræður við hlutaðeigandi aðila. Fyrirtækið BB Byggingar átta lægsta tilboðið í útboðinu, rúmar 69,7 milljónir króna.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.