Kærkomin gjöf til lyfjadeildar FSA
"Þetta er kærkomin gjöf, sem kemur sér vel fyrir sjúklinga, sérstaklega þá sem eru lengi rúmfastir", sagði Þorvaldur Ingvarsson, forstjóri Sjúkrahússins á Akureyri, FSA, þegar hann tók á móti fartölvu, sem lyfjadeildinni var færð að gjöf í dag. Tölvan er gefin til minningar um Jón Gísla Grétarsson, sem lést í september sl.
Jón Gísli fékk hjartaáfall liðlega fertugur og þurfti oft að leita liðsinnis á lyfjadeildinni eftir það. Það voru skólasystkini Jóns úr árgangi 1949, sem gáfu tölvuna. "Við erum fyrst og fremst að hugsa um sjúklinga deildarinnar, að þeir geti verið í góðu sambandi við umheiminn, ekki síst sína nánustu, á meðan þeir dvelja hér", sagði Gísli Sigurgeirsson, einn úr árgangi ´49, þegar hann afhenti tölvuna í dag.
Margrét Þorsteinsdóttir, deildarstjóri, sagði tölvuna kærkomna, það hafi lengi verið markmið sjúkrahússins að bæta aðstöðu sjúklinga og aðstandenda þeirra. Þetta væri stórt skref í þá átt. Nick Cariglia, forstöðulæknir deildarinnar, sagði við athöfnina í dag, að starfsfólki sjúkrahússins hlýnaði ætíð um hjartaræturnar þegar bæjarbúar sýndu sjúkrahúsinu hlýhug í verki. Hann hefur starfað á Sjúkrahúsinu á Akureyri í áratugi og Nick segist hafa notið þess. Sjúkrahúsið væri lítið, en það hefði sína kosti; á litlu sjúkrahúsi væri hægt að gera umhverfið heimilislegra. Hann benti hins vegar á, að á niðurskurðartímum væru litlu sjúkrahúsin á landsbyggðinni í hættu. Hann hvatti íbúana, fólkið á landsbyggðinni, til að standa vörð um starfsemi sjúkrahúsanna. Öflug heilbrigðisþjónusta sé hverju byggðarlagi nauðsynleg.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
