1. júní - 7. júní- 2023
Kæfisvefnsrannsóknum á SAk hætt vegna fjárskorts
Kæfisvefnsrannsóknum þarf að hætta á SAk vegna þess að það fjármagn sem áætlað var í rannsóknirnar er uppurið enda mikil þörf fyrir þær. Mynd Vikublaðið
Kæfisvefnsrannsóknum hefur fjölgað mikið síðastliðin ár og nú er svo komið að gildandi samningur við Sjúkratryggingar Íslands um fjölda rannsókna nægir ekki til að anna eftirspurn eftir þjónustunni. Í ljósi þessa verða ekki gerðar fleiri kæfisvefnsrannsóknir á árinu nema samningar náist við Sjúkratryggingar Íslands um framkvæmd fleiri slíkra rannsókna á Sjúkrahúsinu á Akureyri.
Framkvæmdastjórn er í samningaviðræðum við Sjúkratryggingar Íslands og munu rannsóknir hefjast að nýju náist samningar um fjölgun rannsókna á árinu.
Frá þessu er greint á heimasíðu SAk, www.sak.is
Nýjast
-
Rannsókn á algengi svefnvandamála barna:
„Algengi svefnvandamála barna.“ er viðamikil rannsókn sem Sjúkrahúsið á Akureyri leiðir. Nú er vika þar til gagnasöfnun lýkur en í dag eru 363 börn skráð í rannsóknina. Fyrstu niðurstöður gefa til kynna að kæfisvefn meðal barna sé algengara vandamál en fyrri rannsóknir hafa gefið til kynna en alls hafa 75þátttakendur með meðal- eða alvarlegan kæfisvefn mætt í skoðun og eftirfylgni hjá háls-, nef- og eyrnalækni, barnalækni og tannréttingasérfræðingi á Sjúkrahúsinu á Akureyri (SAk). -
Framsýn gefur bekk við göngustíg í Mývatnssveit
Framsýn hefur í gegnum tíðina stutt við íþrótta- og menningarstarf á félagssvæðinu með því að leggja fjármagn í ýmis áhugaverð verkefni sem koma samfélaginu til góða á einn eða annan hátt. Eitt þeirra verkefna er í gangi þessa dagana og tengist Mývatnssveitinni fögru segir á vef Framsýnar. Félag eldri Mývetninga hefur undanfarið unnið að því að koma upp bekkjum við hjólreiða- og göngustíg sem verið er að leggja umhverfis Mývatn. Verkefnið er unnið í samvinnu við Þingeyjarsveit og Vegagerðina. Eru bekkirnir frá Steinsmiðju Akureyrar, þeir eru algjörlega viðhaldsfríir, úr granít og í náttúrulitum sem falla vel að umhverfinu. Kveikjan að hugmyndinni er sú að gestir og gangandi sem leið eiga um stíginn hafi möguleika á að tylla sér niður og hvíla lúin bein og njóta þeirrar einstöku náttúruperlu sem Mývatnssveitin sannarlega er. Félagið hefur þegar keypt tvo bekki og hefur óskað eftir stuðningi við verkefnið og höfðar þar sérstaklega til fyrirtækja með starfsemi í Mývatnssveit; en einnig félagasamtaka og einstaklinga. Á aðalfundi Framsýnar var samþykkt samhljóða að leggja þessu verðuga verkefni lið með því að fjárfesta í einum bekk. -
ÞANKAR GAMALS EYRARPÚKA
Barátta íslensku þjóðarinnar fyrir réttlæti og sjálfstæði fólst lengst af í því að berjast gegn áhrifum Dana og annarra útlendinga sem gerðu sig oft á árum áður seka um kúgun og yfirgang af ýmsu tagi. Réttlætisbaráttan fór víða fram og lögðu stjórnmálamenn, listamenn og almenningur sitt fram til að ná því markmiði að allir landsmenn byggju við frelsi og jafnrétti. -
Spennandi tímar blasa við flugi um Akureyrarflugvöll
Njáll Trausti Friðbertsson alþingismaður og flugumferðarstjóri á Akureyrarflugvelli til rúmlega 30 ára og mikill baráttumaður fyrir uppbyggingu flugvallarins segir spennandi tíma fram undan í flugi til og frá Akureyrarflugvelli. -
„Öryggismálin eru alltaf tekin föstum tökum“
Kristján Páll Hannesson stýrimaður er fastráðinn annar stýrimaður á Björgvin EA 311 en gegnir að auki margvíslegum öðrum stöðum á skipum Samherja. „Skip Samherja stunda margvíslegar veiðar, eru öll afar vel búin enda hef ég verið hjá Samherja eða tengdum félögum alla mína sjómennsku“. Kristján Páll segist þakklátur fyrir öll þau fjölbreyttu verkefni sem honum hefur verið trúað fyrir. -
„Þungur hnífur“ - Spurningaþraut #10
Það er kvikmyndaþema í spurningaþraut Vikublaðisins #10 -
Svanhildur Daníelsdóttir stofnaði Teppahóp Svönu um þarft samfélagsverkefni
„Ég er hræð yfir þessum góðu viðtökum,“ segir Svanhildur Daníelsdóttir sem í vetur stofnaði Teppahóp Svönu á facebook í því skyni að fá fleiri til liðs við sig við að hekla eða prjóna ungbarnateppi fyrir sængurkonur í neyð. -
Vetrarríki í Listigarðinum i boði ÁLFkvenna Myndasýning
Eins og við greindum frá á vefnum hér á dögunum sýna ÁLFkonur í Listagarðinum ljósmyndir teknar í vetrarríki sem er þó nokkuð langt frá okkur um þessar mundir veðurfarslega. -
Föstudagsfréttir frá Hrísey
Góð sumarvika er að líða í Hrísey. Nú veit fréttaritari ekki hvort biðjast eigi afsökunar á mjög svo villandi veðurfréttaflutning í síðustu föstudagsfréttum þar sem boðaðar voru gular veðurviðvaranir. Eða, hvort það sé bara málið, boða viðvarnir og gleðjast svo mikið þegar það gula í spánum er bara sólin! Um síðustu helgi var veður gott, smá að flýta sér, en hlýtt og sólin skein.
Athugasemdir