Kaðlín opnar á ný og nú í Samkomuhúsinu
Kaðlínarkonur í Samkomuhúsinu. Aðalbjörg Sigurðardóttir, Elín Jónasdóttir og Bergljót Jónsdóttir. Mynd: Heiðar Kristjáns.
Í vikunni opnuðu handverks- og hannyrðakonurnar í Kaðlín sína rómuðu verslun í nýjum höfuðstöðvum, í Samkomuhúsinu á Húsavík. Áður höfðu þær verið með aðstöðu í Pakkhúsinu á Sölkutorgi um árabil, en yfirgáfu staðinn um áramótin síðustu. Það var svo Norðurþing sem skaut yfir þær skjólshúsi tímabundið, þ.e. frá 1. maí til loka september í ár.
Þegar litið var inn á fyrst degi voru þær stöllur Ella, Begga og Abba á staðnum og voru að koma sér fyrir. Verslunin er frammi í anddyrinu og fatahenginu og kaffistofa Leikfélagsins gegnir hlutverki lagers og jafnvel vinnustofu. Þær kváðust mjög þakklátar Norðurþingi og LH fyrir velvilja og lipurð, en sögðust áfram verða á höttunum eftir húsnæði til frambúðar.
„Þetta er töluvert minna pláss en við höfðum áður en það verður að duga. Hér verður opið alla daga vikunnar frá kl. 10-18 og þess utan er hægt að hafa samband utan afgreiðslutíma. Síminn hjá Kaðlín er 853-2060 og Ella er svo alltaf á vaktinni og sinnir útköllum í síma 897-1051.“ Sagði Begga.
Þær vonuðust til að sjá sem flesta í sumar og hvöttu ekki síst Þingeyinga til að líta inn. „Við vorum einmitt mjög ánægðar með það að fyrsti kúnninn okkar í ár var Húsvíkingur,“ sagði Abba. Og allar hvöttu þær veðurguðina til að fara nú að gera eitthvað í þessu með sumarið! JS
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.