Jan hættir sem framkvæmdastjóri Hvalasafnsins
Halldór Gíslason og Jan Klitgaard (aftari), ekki fjarri því að vera í hvalsmaga eins og Jónas forðum daga. Mynd: Heiðar Kristjánsson.
Jan Aksel Klitgaard, hefur sagt upp störfum sem framkvæmdastjóri Hvalasafnsins á Húsavík, starfið hefur þegar verið auglýst laust til umsóknar og 15-20 hafa sótt um. Enda segir Jan að þetta sé mjög fjölbreytt og spennandi starf. En hversvegna ákvað hann að hætta?
„Þetta var einfaldlega of mikið og vinnuálag mun meira en ég hafði séð fyrir þegar ég tók við starfinu. Það var í raun enginn tími aflögu til að sinna fjölskyldunni og öðrum hugðarefnum, þannig að þetta var niðurstaðan hjá mér og ákvörðun sem ég er sáttur við. Sem betur fer verður álagið minna hjá þeim sem tekur við, það hefur verið fjölgað starfsfólki og svo er mikið stórverkefni að baki í tengslum við steypireyðargrindina sem tók mikinn tíma, ásamt og með hinu svokallaða Bedford verkefni.“
Jan hafði gert ráð fyrir að hætta í byrjun júní, en féllst á að vinna fram í september, enda fer nú mesti annatími ársins í hönd á Hvalsaafninu. En hvað hyggst hann taka sér fyrir hendur að því loknu?
„Það er svo sem ekkert ákveðið. En ég hef verið í háskólanámi í Þjóðfræði, með norræna trú sem sérsvið og líklega fer ég suður um áramótin og tek lokaönnina í þjóðfræðinni.“
Jan lagði áherslu á að hann væri ekki að hætta vegna misklíðar af nokkru tagi, starfið hefði einfaldleg ekki hentað honum. „Hvalasafnið á heldur betur framtíðina fyrir sér og á bara eftir að vaxa og dafna. Þar er frábært starfsfólk, Huld og Halldór Jón og nýr framkvæmdastjóri tekur við á góðum og spennandi vinnustað.“ Sagði Jan Aksel. JS
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.