Jafnt í mögnuðum leik í Kaplakrika
Guðmundur Hólmar Helgason var öflugur í kvöld og skoraði átta mörk.
FH og Akureyri gerðu jafntefli í kvöld í mögnuðum handboltaleik í Kaplakrika í N1-deild karla. Lokatölur urðu 29-29. Stefán Guðnason sá til þess að Akureyringar fóru ekki tómhentir heim norður en hann varði vítakast Þorkells Magnússonar í stöðunni 29-29 þegar átta sekúndur voru eftir. Eftir leikinn munar ennþá tveimur stigum á liðunum, Akureyri hefur átta stig í fimmta til sjötta sæti en FH tíu stig í því þriðja.
Akureyringar byrjuðu leikinn af krafti og voru greinilega staðráðnir í því að hefna fyrir tapið í bikarnum á dögunum. Norðanmenn komust í 5-2 og 9-4. Sveinbjörn Pétursson var að verja vel og Akureyri beitti hraðaupphlaupum með þá Odd Gretarsson og Bjarni Fritzson fremsta meðal jafningja. Það gekk ekkert upp hjá FH þessar fyrstu mínútur og varnarleikur liðsins í molum. Heimamenn tóku hins vegar við sér þegar og með góðum leikkafla náðu þeir að jafna metin í 11-11 þegar átta mínútur voru til hálfleiks. FH komst svo yfir, 12-11, og algjör viðsnúningur í Kaplakrika og átti markvörður FH, Daníel Freyr Andrésson, stóran þátt í því. Leikurinn var stál í stál næstu mínútur en staðan í leikhlé, 14-14.
Seinni hálfleikurinn var í járnum framan af þar sem liðin skiptust á að hafa forystu og dró Guðmundur Hólmar Helgason vagninn í sóknarleik Akureyrar. FH komst tveimur mörkum yfir, 26-24, þegar ellefu mínútur voru til leiksloka en fram að þessu hafði munurinn haldist í einu marki frá því í stöðunni 11-11 í fyrri hálfleik. Akureyri náði að snúa leiknum sér í hag og komst yfir, 28-26, þegar sjö mínútur voru til leiksloka. Þegar ein mínúta var eftir var staðan jöfn, 29-29. Akureyingar voru með boltann og tóku leikhlé þegar 40 sekúndur voru eftir. Sú sókn rann út í sandinn og FH hljóp upp völlinn og Heiðar Þór Aðalsteinsson gerðist brotlegur og FH fékk víti þegar átta sekúndur voru eftir. Stefán nokkur Guðnason varði hins vegar vítið og reyndist hetja liðsins. Norðanmenn freistuðu þess að stela sigrinum en tíminn einfaldlega of naumur og lokatölur, 29-29, og verður það að teljast sanngörn niðurstaða.
Mörk FH: Þorkell Magnússon 8/5, Ólafur Gústafsson 8, Andri Berg Haraldsson 6, Ari Magnús Þorgeirsson 3, Sigurður Ágústsson 2, Halldór Guðjónsson 1, Hjalti Þór Pálmason 1.
Varin skot: Daníel Freyr Andrésson 18/1.
Mörk Akureyrar: Bjarni Fritzson 8/2, Guðmundur Hólmar Helgason 8, Oddur Gretarsson 5, Hörður Fannar Sigþórsson 4, Heimir Örn Árnason 3, Bergvin Þór Gíslason 1.
Varin skot: Sveinbjörn Pétursson 17/1, Stefán Guðnason 3/1.
Nýjast
-
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur.