Íslenskt handverk og vörur úr ríki íslenskrar náttúru
Viðskiptavinir geta skoðað vörur einstakra framleiðenda, vörur í ákveðnum búðum eða vörur í öllum búðum. Þá verða viðtöl við alla framleiðendur á heimasíðunni. Framleiðendur íslensks handverks og þeir sem búa til vörur sem eiga uppruna sinn í ríki íslenskrar náttúru geta selt vörur sínar í LB. Næstu vikur verður leitað að framleiðendum sem vilja vera með og uppfylla þær kröfur sem gerðar eru, en þær eru fyrst og fremst vandvirkni og fallegt handbragð. Segja má að hver framleiðandi fái sína "heimasíðu" en hægt verður að kalla fram allar vörur sem viðkomandi er með í Lb. Áhersla verður lögð á „söguna á bak við vöruna". Tekið verður stutt viðtal við þá sem eru með vörur í Lb og birt mynd af þeim við vinnu sína, en þannig verður reynt að gera heimasíðuna „heimilislega" ef svo má að orði komast, segir í kynningu. Kaupendur greiða fyrir vöruna og heimsendingu hjá Lb. Kaupendum verður gerð grein fyrir því, ef þeir þurfa að bíða þar til framleiðandi er búinn að gera það sem þeir óskuðu eftir. Í sumum tilvik getur kaupandi þurft að bíða í 2-3 vikur meðan peysa er prjónuð svo dæmi sé tekið. Ef framleiðandi á vöruna til á lager fer hún vissulega strax til kaupanda! Lb annast sendingu á vörum til kaupenda. Fyrst verður sett upp íslensk heimasíða en stefnt er að því að vorið 2010 verði heimasíðan einnig á þýsku og sænsku.
Lb urðu til með stuðningi Vaxtarsamnings Vesturlands. Þeir sem vilja selja vörur með aðstoð Lb eru beðnir um að hafa samband sem fyrst. Þeim verður sent eyðublað vegna vöruskráningar og starfsreglur Lb. Í upphafi þarf framleiðandi að senda Lb sýnishorn af því sem hann vill að selt sé fyrir hann. Eðlilega þurfa Lb að skoða og meta það sem sett verður á heimasíðuna. Þá þarf að ljósmynda hvern hlut frá ýmsum sjónarhornum. Sérstök áhersla verður lögð á vandaða myndatöku. Vörusýnishorn verða senda til baka þegar mati og ljósmyndun er lokið. Lb liggja ekki með lager. Í upphafi er gert ráð fyrir að hver framleiðandi geti boðið upp á níu mismunandi vörur en sú tala mun hækka umtalsvert þegar síðan er komin á skrið. Þátttaka verður ekki bundin við eina búð. Einn og sami framleiðandinn getur verið í þeim öllum ef því er að skipta. En hann þarf ekki að vera nema með eina vörutegund í einni búð ef hann svo kýs.
Það er Áskell Þórisson, sem starfar hjá Landbúnaðarháskóla Íslands á Hvanneyri, sem rekur Lb. Hann ritstýrði Bændablaðinu í rúman áratug en áður var hann m.a. ritstjóri Dags á Akureyri og starfsmannastjóri KEA.
Nýjast
-
Heilbrigðiskerfið í bakkgír
Velferðarnefnd hefur haft til umfjöllunar nú í vor frumvarp til laga um breytingar á lögum um sjúkratryggingar. Yfirlýst markmið þessa frumvarps er að stytta þann tíma sem tekur að bjóða upp á nauðsynlega heilbrigðisþjónustu og þar með tiltekna meðferð. Á meðal þeirra breytinga sem lagðar eru til er að fest verði í lög ákvæði um greiðsluþátttöku fyrir læknismeðferð erlendis vegna biðtíma hér á landi. -
SAk tryggt fé til kaupa á heilaörvunartæki
Heilbrigðisráðherra hefur tryggt fjármagn sem gerir Sjúkrahúsinu á Akureyri (SAk) kleift að innleiða heilaörvunarmeðferð einstaklinga með meðferðarþrátt þunglyndi. Áætlað er að á upptökusvæði SAk séu um 240 einstaklingar sem gætu nýtt sér slíka meðferð árlega. Rannsóknir sýna að meðferðin skilar miklum árangri, eða um 60-70% í hópi einstaklinga sem þjást af meðferðarþráu þunglyndi en hafa lítið gagn af hefðbundinni meðferð, s.s. lyfjum og hugrænni atferlismeðferð. -
Framsýn og FSH skrifa undir nýjan kjarasamning
Stjórnendur Framsýnar og Framhaldsskólans á Húsavík hafa undanfarið átt í viðræðum um nýjan stofnanasamning fyrir starfsmenn skólans sem starfa eftir kjarasamningi félagsins. Viðræðurnar gengu mjög vel og kláruðust þær í gærmorgun með undirskrift aðila. -
Akureyri Open í frisbígolfi fór fram um helgina
Um helgina fór fram Gull- og Silfurmótið Akureyri Open í boði Sportver. Mótið var haldið af Frisbígolffélagi Akureyrar og fór fram á frisbígolfvellinum við tjaldstæðið á Hömrum. Keppnin stóð yfir í þrjá daga og tóku 83 keppendur þátt víðsvegar að af landinu. Þrátt fyrir að veðrið hafi ekki verið upp á sitt besta létu keppendur það ekki trufla sig og stemningin var frábær alla helgina. -
Hvers vegna öll þessi leynd? - Breytingar á skipulagi forvarnar- og frístundamála
Það var dularfull stemning í aðdraganda þess að ræða átti trúnaðarmál bæði í fræðslu- og lýðheilsuráði og í bæjarráði þann 22. maí sl. Ekki lá fyrir hvað ætti að ræða og engin gögn voru lögð fram fyrir fundinn. Á fundi bæjarráðs var svo tilkynnt að „ákvörðun hefði verið tekin“ um að leggja niður núverandi skipulag forvarna- og frístundamála hjá Akureyrarbæ. Átti að tilkynna starfsfólki breytingarnar síðar sama dag. -
Tveimur ferskum verkum í Pastel ritröð fagnað í Sigurhæðum
Á fimmtudag 12. júní klukkan fimm verður tveimur splunkunýjum verkum eftir tvo frábæra og ólíka listamenn í Pastel ritröð fagnað í Sigurhæðum á Akureyri. -
Hundakvöld á Listasafninu á Akureyri
Fimmtudaginn 12. júní mun Listasafnið á Akureyri bjóða hunda og eigendur þeirra velkomna á sérstakt hundakvöld. Opið verður frá kl. 19 til 22 og ókeypis inn fyrir eigendur í fylgd hunda -
Íbúum fjölgar á Norðurlandi eystra
Samkvæmt tölum úr Þjóðskrá fjölgaði fólki á Norðurlandi eystra frá 1 des. sl. til 1 júni s.l um 157 manns eða um 0,5%. Þetta er sama fjölgun og var á landsvísu á sama tima. -
atNorth ræður tvo nýja stjórnendur
Gagnavers- og ofurtölvufyrirtækið atNorth hefur ráðið Bjarka Björnsson sem forstöðumann fjármögnunar og fjárstýringar og Axel Valdemar Gunnlaugson í starf forstöðumanns upplýsingatækni.
