Íslenska krulluliðið vann sigur á Grikkjum í fyrsta leik á EM
Krullulið skipað leikmönnum úr röðum Krulludeildar Skautafélags Akureyrar keppir þessa dagana fyrir Íslands hönd í C-keppni Evrópumótsins sem fram fer í krulluhöllinni í Tårnby í Kaupmannahöfn. Tårnby krulluhöllin er Íslendingum að góðu kunn, en þangað hefur krullufólk frá Akureyri oft farið til keppni og krullulið frá Tårnby komið til keppni á Akureyri.
Fyrsti leikur íslenska liðsins var fyrr í dag þegar okkar menn mættu Grikkjum. Leikurinn var mjög kaflaskiptur því íslenskaliðið vann fyrstu þrjár umferðirnar og staðan orðin 5-0. Þá snéru Grikkir við blaðinu, unnu næstu þrjár umferðir og komust yfir, 5-6. Íslendingar jöfnuðu í sjöundu og næstsíðustu umferðinni, 6-6. Grikkir virtust því vera með pálmann í höndunum því þeir áttu síðasta stein í lokaumferð leiksins, en Íslendingum tókst að hins vegar stela" tveimur stigum og sigra, 8-6. Flottur sigur en Grikkir féllu úr B-keppninni í fyrra og spila nú í C-keppninni í fyrsta skipti.
Liðið leikur tvo leiki á morgun, laugardag. Fyrri leikur laugardagsins verður gegn Serbum kl. 10.00 að íslenskum tíma og síðan eru það Tyrkir kl. 18.30. Síðan eru það Slóvenar og Rúmenar á sunnudag, en báðar þjóðirnar taka nú þátt í Evrópumótinu í fyrsta skipti. Á mánudag mæta okkar menn liði Lúxemborgar og síðan Pólverjum og Litháum á þriðjudag. Tvö efstu liðin leika síðan úrslitaleik, en ávinna sér bæði rétt til þátttöku í B-keppni Evrópumótsins sem fram fer í Moskvu í byrjun desember.
Fyrirliði íslenska liðsins er Hallgrímur Valsson, en liðsmenn ásamt honum eru Kristján Bjarnason, Ólafur Hreinsson og Sævar Örn Steingrímsson. Með þeim í för sem þjálfari og liðsstjóri er Gunnar H. Jóhannesson.
Nýjast
-
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr.
