Íslandsmótið í íshokkí rúllar af stað í dag
Íslandsmótið í íshokkí hefst í dag í bæði karla og kvennaflokki þegar leikið verður í Skautahöllinni á Akureyri. Skautafélag Akureyrar (SA) hefur titil að verja í bæði karla-og kvennaflokki.
Í karlaflokki er sú breyting á í vetur að liðunum fjölgar um eitt og verða fimm talsins. SA mun áfram tefla fram tveimur liðum, Víkingum og Jötnum, og þá mun Björninn einnig gera það sama og mun þeirra B-lið heita hinum skemmtilega nafni, Húnar. SA hefur hefur orðið fyrir þó nokkurri blóðtöku í sumar. Fyrirliði liðsins, Jón B. Gíslason, er farinn til Danmerkur, Ingólfur Elíasson til Svíþjóðar og Jóhann Már Leifsson til Bandaríkjanna. SA hefur ekki bætt við sig leikmönnum til að fylla þeirra skörð og þeirra bíður því erfitt verkefni í vetur í að verja titilinn.
„Það hefur vissulega eitthvað að segja að hafa misst þessa leikmenn en við erum engu að síður með sterkt lið,“ segir Sigurður Sveinn Sigurðsson leikmaður SA. Hann segir ekkert koma annað til greina en að halda bikarnum fyrir norðan. „Við höfum hampað titlinum í 15 skipti á síðustu 20 árum hérna á Akureyri og við lítum svo á að bikarinn eigi að heima hérna fyrir norðan.“
Á meðan SA hefur misst leikmenn í burtu hafa bæði SR og Björninn verið að styrkja sig. Hinn öflugi Daniel Kolar er kominn aftur í raðir SR ásamt landsliðsmanninum Snorra Sigurbjörnssyni. Einnig hafa þeir fengið Robbie Sigurdsson frá Bandaríkjunum, sem spilað hefur í unglingadeildum í Pittsburg.
Þá hefur Björninn endurheimt Akureyringinn Birki Árnason, auk þess að hafa fengið finnskan leikmann til liðs við sig. Aðspurður segir Sigurður að það stefni í jafnt og spennandi mót. „Þar sem bæði sunnanliðin hafa styrkt sig má gera ráð fyrir þeim sterkari en í fyrra og þetta gæti orðið óvenju jafnt í vetur,“ segir hann. SA Víkingar hefja leik í dag er þeir taka á móti Birninum kl. 16:30 í Skautahöllinni.
Í kvennaflokki mætast SA eldri og Björninn í Skautahöllinni kl. 19:00. SA er ríkjandi Íslandsmeistari og fyrirfram má búast við að bikarinn verði áfram fyrir norðan, en norðanstúlkur hafa haft mikla yfirburði í deildinni undanfarin ár. „Ég held að það þurfi eitthvað stórkostlegt að gerast til að við missum bikarinn frá okkur,“ segir Guðrún Kristín Blöndal leikmaður SA. „Það er nú samt mín von að þetta verði jafnara í ár en hefur verið. Það er ekkert gaman að rúlla þessu alltaf upp og vonandi að þetta verði bara spennandi í vetur.“ Ekki er enn komið nafn á eldra lið SA, sem hét Valkyrjur í fyrra. Yngra liðið, Ynjur, mun hins vegar halda sínu nafni.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
