Íslandsbanki flytur tímabundið yfir í húsnæði Byrs
Starfsfólk Íslandsbanka fór að undirbúa flutninginn yfir götuna strax að loknum hefðbundnum vinnudegi í dag.
Vegna endurbóta á húsnæði Íslandsbanka við Skipagötu 14 á Akureyri mun útibúið flytja tímabundið yfir götuna, í húsnæði Byrs við Skipagötu 9. Eins og fram hefur komið hafa Íslandsbanki og Byr sameinast og verður sameinuð starfsemi í framtíðinni í núverandi húsnæði Íslandsbanka. Flutningur á milli útibúanna hófst strax að loknum hefðbundnum vinnudegi í dag og mun ljúka um helgina og útibú Íslandsbanka verða opnað í Skipagötu 9 mánudaginn 6. febrúar. Þá hefur hin eiginlega sameining farið fram.
Gert er ráð fyrir að endurbótum í Skipagötu 14 ljúki í lok mars og verður útibúið þá flutt aftur yfir götuna. Guðný Helga Herbertsdóttir upplýsingafulltrúi Íslandsbanka segir að útibúið í Skipagötu 14 verði ekki stækkað í þessum endurbótum, það verði hins vegar nýtt betur og m.a. mun vinnustöðvum fjölga. Þetta eru tímabærar endurbætur en litlar sem engar endurbætur hafa verið gerðar á útibúinu í rúmlega 20 ár eða þegar Íslandsbanki varð til við sameiningu Alþýðubanka, Iðnaðarbanka, Útvegsbanka og Verzlunarbanka. Áður var Alþýðubankinn til húsa á Skipagötunni og voru litlar breytingar gerðar við fjórbankasameininguna árið 1990.Guðný segir að margir iðnaðarmenn komi að þessum breytingum og m.a. hafa verið gerðir samningar við smiði, rafvirkja, múrara, málara, pípara og blikksmiði. Húsnæði Byrs að Skipagötu 9 er hið glæsilegasta og hafa ýmsar hugmyndir verið nefndar varðandi nýtingu á því húsnæði í framtíðinni.
Guðný segir að Íslandsbanki hafi orðið var við mikinn áhuga á húsnæðinu enda sé staðsetning hússins mjög góð. Ekki hafi þó verið tekin endanleg ákvörðun um hvenær og hvernig húsnæðinu verður ráðstafað til framtíðar.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.