Innan við helmingur heimila með lágmarks eldvarnabúnað
Starfsmenn Slökkviliðs Akureyrar og Eldvarnaeftirlits heimsóttu nemendur í 3. bekk Lundarskóla og fræddu þá um eldvarnir.
Slökkviliðsmenn hafa áhyggjur af því hve mörg heimili í landinu eru berskjölduð fyrir eldsvoðum. Allt of mörg heimili hafa engan eða of fáa reykskynjara. Þau fengju því litla eða enga viðvörun ef eldur yrði laus að næturlagi. Innan við helmingur heimila er með eldvarnabúnað sem slökkviliðsmenn telja lágmarksbúnað, það er reykskynjara, slökkvitæki og eldvarnateppi. Nú fer í hönd sá tími þegar eldhætta eykst á heimilum.
Slökkviliðsmenn hvetja fólk því til að grípa til viðeigandi varúðarráðstafana. Tveir létust í eldsvoðum á síðasta ári og eignatjón nam 1,7 milljarði króna. Slökkviliðsmenn hafa því miður farið í útköll þar sem fólk hefur látist af þeirri einu ástæðu að reykskynjara vantaði. Það vilja þeir alls ekki þurfa að upplifa. Landssamband slökkviliðs- og sjúkraflutningamanna (LSS) efndi til átaks um að fræða fólk um eldvarnir og mikilvægi þeirra í síðustu viku. Þá heimsóttu slökkviliðsmenn um allt land á fimmta þúsund átta ára börn í grunnskólum um allt land í síðustu viku til að fræða þau og fjölskyldur þeirra um eldvarnir.
Varðandi stöðu mála á heimilum landsins þá tek ég undir þær áhyggjur. Í mörg ár höfum við verið með þessa fræðslu og höfðað til barna sem og foreldra þeirra varðandi notkun á eldvarnarbúnaði á heimilum. Einnig höfum við verið með árlega sölu á Glerártorgi fyrir jólin og erum þá með fagráðleggingar. Þessar varnir og sér í lagi líftryggingin, reykskynjarinn, er nauðsynlegur búnaður til að tryggja grunnöryggi heimila okkar, segir Þorbjörn Guðrúnarson slökkviliðsstjóri á Akureyri.
Eldvarnareftirlit slökkviliðs Akureyrar gefur einnig ráðleggingar til einstaklinga varðandi heimili þeirra og er sú þjónusta gjaldfrjáls og fólki frjálst að senda erindi sín í tölvupóstinn eldvarnaeftirlit@akureyri.is, í síma eða komið á slökkvistöðina og fengið ráðleggingar.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.