Í tilefni 70 ára afmælis Krabbameinsfélags Akureyrar og nágrennis heiðraði félagið þær stöllur Ingu Vestmann og Vilborgu Jóhannsdóttur. Eins og fólki er kunnugt hafa þær staðið fyrir Dekurdögum á Akureyri í október um árabil og náð að afla Krabbameinsfélaginu 25 milljónum með ýmsum hætti, svo sem sölu á bleikum slaufum. Í ár náðu þær að afla 5 milljónum.
Óhætt er að fullyrða að það munar heldur betur um það sem þær Vilborg og Inga leggja til félagsins með dugnaði og elju.