Illugi lofar Verkmenntaskólanum rekstrarfé
Illugi Gunnarsson menntamálaráðherra sagði á Alþingi í dag að Verkmenntaskólinn á Akureyri og aðrir skólar í svipaðri stöðu fái á næstunni rekstrarfé svo þeir geti greitt reikninga sína. Hann sagði það mistök í kerfinu að Fjársýsla ríkisins hafi neitað að greiða skólunum rekstrarfé.
Brynhildur Pétursdóttir, þingmaður Bjartrar framtíðar í Norðausturkjördæmi, spurði menntamálaráðherra út í málið. Brynhildur sagði málið hljóma frekar einkennilega. Mörg dæmi væru um að stofnanir væru með uppsafnaðan halla en samt fengið rekstrarfé frá fjármálaráðuneytinu. Brynhildur vildi fá skýringar frá menntamálaráðherra og spurði hvort fleiri stofnanir mættu eiga von á að lenda í samskonar vanda.
Sex framhaldsskólar eru í sambærilegri stöðu samkvæmt Illuga og uppsafnaður halli í framhaldsskólakerfinu var 240 milljónir um áramót. Rekstraráætlanir gefa til kynna að staðið hafi til að greiða niður 60 milljónir af hallanum í ár. Það hafi hins vegar ekki gengið eftir og hjá Fjársýslunni hafi þessu verið tekið þannig að greiða ætti allar 240 milljónirnar upp í ár. Þess vegna hefðu skólarnir sex ekki fengið fé til að greiða reikninga.
„Niðurstaðan verður sú að skólunum sem hér um ræðir, sem eru í þessari stöðu, verður hleypt í þá stöðu af hálfu Fjársýslunnar sem er í samræmi við þær áætlanir sem skólarnir sjálfir höfðu gert,“ sagði Illugi. Þannig ættu skólarnir að komast í betri stöðu. Hann vildi þó meina að uppsafnaður rekstrarvandi VMA væri stærri og því dygði þessi aðgerð ekki til lausnar hans. „Ég er að vonast til þess að það sé nú komist fyrir vind hvað varðar kerfisþátt málsins, og kominn tími til,“ sagði Illugi en sagði samt ákveðinn vanda enn eiga við um VMA.
Brynhildur Pétursdóttir sagðist þó ekki alveg skilja svar menntamálaráðherra, í því hefði verið viðurkennt að mannleg mistök í kerfi hefðu átt sér stað en að vandi skólanna væri enn til staðar.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
