Íbúum fjölgaði í fjórum sveitarfélögum í Eyjafirði en fækkaði í þremur
Íbúafjölgunin í Eyjafirði var hlutfallslega mest í Grýtubakkahreppi.
Íbúum í Eyjafirði fjölgaði um 62 á milli ára, samkvæmt yfirliti Hagstofunnar um mannfjölda þann 1. janúar sl., sem birt var í morgun. Íbúar í sveitarfélögunum sjö í Eyjafirði voru samtals 24.165 um síðustu áramót en þeir voru 24.103 um áramótin í fyrra. Íbúum fjölgaði á Akureyri, í Fjallabyggð, Eyjafjarðarsveit, og Grýtubakkahreppi en fækkaði í Dalvíkurbyggð, Hörgárveit og Svalbarðsstrandarhreppi. Um síðustu áramót voru íbúar Akureyrar 17.875 talsins en þeir 17.754 um áramótin í fyrra. Íbúum fjölgaði um 121 á milli ára. Í Fjallabyggð voru íbúar um síðustu áramót 2.035 talsins og fjölgaði um fimm á milli ára. Í Eyjafjarðarsveit fjölgaði um sex íbúa á milli ára, þeir voru 1.031 um áramótin en voru 1.025 þann 1. janúar 2011. Hlutfallslega var fjölgunin mest í Grýtubakkahreppi en þar fjölgaði um 16 íbúa á milli ára. Um síðustu áramót voru íbúar Grýtubakkahrepps 350 talsins en um áramótin í fyrra voru þeir 334.
Í Dalvíkurbyggð fækkaði um 60 íbúa á milli ára, þeir voru 1.900 um síðustu áramót á móti 1.960 um áramótin í fyrra. Í Hörgársveit voru 584 íbúar um síðustu áramót og fækkaði um 16 á milli ára. Íbúar í Svalbarðsstrandarhreppi voru 390 um áramótin og fækkaði um 10 frá árinu á undan.
Í Þingeyjarsveit austan Vaðlaheiðar, fækkaði íbúum einnig. Þeir voru 915 um síðustu áramót en 944 árið áður og nemur fækkunin 29 manns.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.