Í annarlegu ástandi og otaði hníf að fólki
Fjórir hafa gist fangageymslur lögreglu um helgina. Þrír vegna ölvunar og hegðunar sem ekki er til eftirbreytni og einn vegna hótana, ráns, og vopnalagabrots auk brots á lyfjalögum og hótana gegn starfsmönnum lögreglu þar sem hann otaði hnífi að viðskiptavinum og starfsfólki veitingastaðar á Akureyri um miðjan dag í gær. Maðurinn var í annarlegu ástandi, gisti fangageymslur en er nú laus eftir yfirheyrslu.
Eitt og annað hefur verið á verkefnalista lögreglunnar á Norðurlandi eystra um helgina segir á facebook síðu hennar, 177 bókanir liggja fyrir í dagbók lögreglu frá föstudagsmorgni og til sunnudagsmorguns.
30 umferðarlagabrot eru skráð hjá lögreglunni, mest hraðakstur en einnig akstur gegn einstefnu og öryggisbeltanotkunarleysi, símanotkun, ölvunar og vímuefnaakstur ofl.
Sjúkralið var aðstoðað vegna veikinda fólks í nokkur skipti. Við eigum frábært samstarf við slökkvilið og –sjúkralið með ýmislegt og ef eitthvað er þá styrkist og eykst samstarfið með árunum.
Lögregla ók i nokkrum tilvikum ölvuðum heim sem sáu fótum sínum ekki forráð eftir næturlíf bæjarins sem þó má segja að hafi farið stóráfallalaust fram þó nokkur hiti hafi verið í mannskapnum aðfararnótt sunnudags.
Tilkynnt var á föstudagsmorgun um skemmdarverk á nýbyggingu Krónunnar við Tryggvabraut/Hvannavelli þar sem spreyjað hafði verið á rúður og hurðir. Málið er í rannsókn.
Leitað að stúlku sem strauk
Aðstoðað var við leit að stúlku sem hafði strokið frá vistheimili á vegum barnaverndar bæði á föstudag og laugardag. Stúlkan fannst í bæði skiptin og var komið á vistheimilið.
Umferðaróhapp varð á gatnamótum Þingvallastrætis og Mýrarvegar aðfararnótt laugardagsins. Einn farþegi úr öðrum bílnum hafði hlotlið lítilsháttar meiðsl en var þó útskrifuð af sjúkraliði á staðnum. Hægt var að aka bifreiðum af staðnum. Annað umferðaróhapp í Þorpinu þegar bifreið og rafmagnshlaupahjól lentu saman. Lítil meiðsl á ökumanni rafhlaupahjólsins, einhverjar skemmdir á bifreiðinni en fór betur en á horfðist.
Féll í sprungu í Grjótagjá
Slys varð á laugardeginum í Grjótagjá í Mývatnssveit þegar erlendur ferðamaður, kona, féll rúma fjóra metra niður í sprungu og lenti á botni hennar. Hún var allnokkuð slösuð og var flutt á sjúkrahúsið á Akureyri til aðhlynningar. Að björgun hennar komu lögregla, sjúkralið og björgunarsveitin Stefán í Mývatnssveit auk fleiri sem voru á staðnum.
Lögregla hafði afskipti af tveimur mönnum við Bogann í gær vegna gruns um fíkniefnamisferli. Ekki fundust fíkniefni á mönnunum en annar mannanna var með hnúajárn og voru þau haldlögð og maðurinn kærður fyrir vopnalagabrot.
Nú er búið að loka afgreiðslu þjóðskrár á Akureyri og því hefur álag á lögreglu vegna kennitöluumsókna og slíks aukist til muna. Allmargar bókanir um slíkt eru í dagbók lögreglu eftir þessa daga.
Kanabislykt í fjölbýlishúsum
Aukist hefur að fólk tilkynni um kannabislykt í fjölbýlishúsum, þegar fnykurinn er farinn að verða verulega truflandi og reykur og þó aðallega lykt farin að liðast inn um hurðarföls og glugga og út í sameignir og eru einhverjar bókanir um slíkt eftir helgina. Eins og fólk veit eru kannabisefni ólögleg á íslensku yfirráðasvæði og hafa ber það í huga við slíkar reykingar.
Tilkynnt var um dauðan hval, andarnefju á floti á Eyjafirði í gær. Öllum hlutaðeigandi stofnunum sk.verklagi var gert viðvart um þetta. Andarnefjan hafði verið orðin ansi slök í gær mv. tilkynninguna sem kom frá hvalaskoðunarfyrirtæki. Hafði síðan ekki haft þetta af og var á floti suðvestan við Svalbarðseyri þegar tilkynningin barst.
Lögregla viðhafði að auki við öll verkefni sem upp komu, öflugt eftirlit með umferð bæði á þjóðvegum og í bæjum og fjöldi ökumanna stöðvaðir við það eftirlit.
Nýjast
-
Listigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri í dag.
Kristín Guðmundsdóttir höfundur bókarinnar Tólf lyklar verður með kynningu á bókinni í dag á Amtsbókasafninu í dag og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum -
Vantraust og kerfishrun í málefnum fólks með ADHD
Aðalfundur ADHD samtakanna fta, haldinn 16. apríl 2024 skorar á Heilbrigðisráðherra að grípa nú þegar til aðgerða vegna þess kerfishruns sem blasir við í þjónustu hins opinbera við fólk með ADHD. Vegna aðgerðarleysis stjórnvalda á liðnum árum hafa biðlistar eftir greiningu og meðferð meira en tvöfaldast og nú bíða um fjögur þúsund einstaklingar eftir að komast í greiningarferli. Biðtími fullorðinna eftir ADHD greiningu og meðferð verður að óbreyttu vel á annan áratug hjá þeim sem nú hefja ferlið samkvæmt tilvísun Heilsugæslulæknis – vel á annan áratug!! -
SAk - Sumarmönnun vel á veg komin
Líkt og hjá öðrum heilbrigðisstofnunum hefur mönnun verið mikil áskorun fyrir Sjúkrahúsið á Akureyri. Herferðin „Komdu í lið með okkur!” sem miðaði að því að kynna SAk sem eftirsóknarverðan vinnustað og gefa innsýn í störf hjúkrunarfræðinga og ljósmæðra á Sjúkrahúsinu á Akureyri hitt í mark og er sumarmönnun nú vel á veg komin. -
Húsavík - Vilja koma á tengiliðaverkefni fyrir nýja íbúa
Helena Eydís Ingólfsdóttir, fulltrúi D lista og formaður fjölskylduráðs Norðurþings lagði til á fundi ráðsins í síðustu viku að hafinn verði undirbúningur að því að koma á tengiliðaverkefni fyrir nýja íbúa í samstarfi sveitarfélagsins, vinnustaða og félagasamtaka. Með verkefninu er átt við að þegar nýir íbúar flytja í sveitarfélagið Norðurþing taki samfélagið höndum saman og greiði leið þeirra inn samfélagið. -
Listamannaspjall með Gunnari Kr. Jónassyni í Listasafninu á Akureyri n.k. laugardag
Laugardaginn 20. apríl kl. 15 verður listamannaspjall með Gunnari Kr. Jónassyni um verk hans á samsýningunni Sköpun bernskunnar, sem nú stendur yfir í Listasafninu á Akureyri. Stjórnandi er Heiða Björk Vilhjálmsdóttir, sýningarstjóri. Aðrir þátttakendur sýningarinnar eru Ingunn Fjóla Ingþórsdóttir og nemendur úr leikskólanum Naustatjörn og grunnskólunum Glerárskóla og Naustaskóla.
Athugasemdir