Hverjum tíma fylgir sín skautun
Dr. Eiríkur Bergman, var með áhugavert erindi um vopnavæðingu samsæriskenninga. Myndir/aðsendar
Fimmtánda Ráðstefnan um íslenska þjóðfélagið var haldin við Háskólann á Akureyri 2. og 3. júní. Yfirskrift ráðstefnunnar í ár var „Skautun í íslensku samfélagi.“ Ráðstefnan var sú stærsta hingað til með 75 erindum og ekki annað að sjá en að ráðstefnu gestir hafi haft bæði gagn og gaman af. Ekki sakaði að norðlenskt sumar tók fagnandi á móti ráðstefnugestum.
Gréta Bergrún Jóhannesdóttir doktorsnemi í HA sem kom að skipulagi ráðstefnunnar sagði ráðstefnuna hafa tekist afar vel. „Þetta tókst rosalega vel og gaman að því hvað þemað skautun bauð uppá fjölbreytt erindi og breitt fræðasvið. Við erum öll að verða vör við ákveðna skautun í alls kyns umræðum á samfélagsmiðlum þar sem myndast andstæðar fylkingar með mikilli hörku án þess að endilega sé tilefni til,“ segir Gréta og bætir við að gott sé að staldra við og ræða einmitt þetta. „Svo auðvitað skartaði norðlenska sumarið sínu besta veðri þannig að seinnipartur í miðbænum með kaldan á kantinum var tilvalinn staður til að halda umræðum dagsins áfram.“
Fjölbreytt erindi
Erindin voru mjög fjölbreytt og lykilerindin tvö voru mjög áhugaverð og endurspegluðu vel þema ráðstefnunnar. Þorgerður Einarsdóttir, prófessor í kynjafræði og Laufey Axelsdóttir, nýdoktor í kynjafræði héldu fyrra lykilerindið – „Kynsegin veruleiki sem vettvangur andófs og baráttu“ – á föstudeginum. Ísland telst nú í fararbroddi í málefnum hinsegin og trans fólks samkvæmt ILGA, Evrópusamtökum hinsegin fólks, ekki síst vegna laganna um kynrænt sjálfræði frá 2019.
Í erindinu var kynnt ný könnun um skilning fólks á og stuðning við lögin, og viðhorf til nýyrða í tengslum við veruleika kynsegin fólks. Fram kom að barátta kynsegin fólks nær ekki bara til lagabreytinga heldur einnig menningarlegra þátta og ekki síst tungumálsins. Niðurstöðurnar benda til að talsverður munur sé milli hinna ýmsu þjóðfélagshópa á stuðningi við lögin og skilningi á kynsegin hugtökum svo sem hán, kynsegin, kvár, stálp o.fl.
Skilningur á lögunum meiri hjá konum en körlum
Stuðningur við lögin og skilningur á hugtökum er meiri hjá yngra fólki en eldra, hann er meiri eftir því sem menntun eykst, meiri hjá fólki sem er vinstra megin á hinum pólitíska kvarða en hægra megin, og síðast en ekki síst er stuðningur við lögin og skilningur á hugtökum umtalsvert meiri hjá konum en körlum. Að lokum kom fram að í hinsegin og kynsegin aktívisma er bæði málkerfinu og kynjatvíhyggjunni ögrað. Það þurfi hins vegar að skoða nánar hvað í þessum hræringum sé einungis andstaða við málfarsleg atriði og hvað í þeim risti dýpra.
Jaðarsetning frá fornu fari
Arngrímur Vídalín, lektor í íslenskum bókmenntum fyrri alda hélt seinna erindið –„Skautun í fortíð og nútíð: orðræða Íslendinga um hina“ – á laugardeginum. Í máli hans kom meðal annars fram að jaðarsetning og afmennskun á grundvelli uppruna, þar með talið kynþáttabundinna þátta svo sem hörundslitar eða menningarlegra þátta á við trúarbrögð, hefur átt sér stað á Íslandi allt frá öndverðu.
Fólk af öðrum uppruna er í íslenskum miðaldatextum sýnt í skrímslislegu ljósi og afmennskandi orðræða um hörundsdökka helst óslitin frá elstu textum allt fram á okkar daga. Arngrímur segir að hverjum tíma fylgi sín skautun, og því sé mikilvægt að varpa sögulegu ljósi á hvernig mannlegt eðli og þar með menningin sjálf elur af sér skautaðar átakalínur.
Félagsvísindadeild 20 ára
Það var vel við hæfi að 15. ráðstefnan af þessu tagi skyldi haldin við Háskólann á Akureyri þar sem í ár eru 20 ár eru síðan Félagsvísindadeild HA var stofnuð (hét þá Félagsvísinda- og lagadeild). Fyrsta Ráðstefnan um íslenska þjóðfélagið var einmitt haldin við HA árið 2007 en ráðstefnan er upphaflega hugarfóstur Þórodds Bjarnasonar prófessors við HA og HÍ. Næsta Ráðstefna um íslenska þjóðfélagið verður haldin á næsta ári við Háskólann á Bifröst.
Nýjast
-
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala -
Lögreglan á Norðurlandi eystra rannsakar andlát
Eftirfarandi tilkynningu sendi lögreglan á Norðurlandi eysta frá sér nú rétt í þessu. Klukkan 04:30 aðfaranótt mánudags var lögreglan á Norðurlandi eystra kölluð að fjölbýlishúsi á Akureyri. Fyrstu lögreglumönnum sem komu á vettvang var vísað á meðvitundarlausa konu í íbúðinni og hófust endurlífgunartilraunir þegar í stað. Læknir og sjúkraflutningamenn komu einnig á vettvang en tilraunir til endurlífgunar báru ekki árangur og var konan úrskurðuð látin á vettvangi. -
Svona er síminn hannaður til að stela athygli okkar
Af hverju er svona erfitt að leggja frá sér símann? Er efnið sem þar er að finna alltaf svo mikilvægt og áríðandi að það gengur fyrir þau samskipti sem við erum að eiga við fólkið í kringum okkur? Förum við í símann þegar að við erum undir stýri? (Já það telst líka með að gera það á rauðu ljósi). Lengjum við klósettferðirnar okkar til að vera lengur í símanum? Leggjum við símann alltaf á borðið á fundum, í kaffitímanum eða við matarboðið og leyfum þannig tilkynningunum á skjánum að stela athygli okkar? Setjum við börnin okkar fyrir framan skjá til þess að kaupa okkur sjálfum skjátíma? Leitum við í símann alltaf þegar að okkur leiðist? Erum við hrædd við að vera vandræðaleg á almannafæri og förum í símann til að þykjast vera að sinna einhverju mikilvægu frekar en að líta upp og leyfa huganum að reika? Dettum við út í samtölum við annað fólk því við ætluðum að fletta einhverju eldsnöggt upp en rákumst svo á eitthvað annað sem greip athygli okkar? Getum við átt gæðastundir með fjölskyldunni án þess að láta símann trufla okkur? -
Lokaorðið - Forgangslistinn
Eftir því sem ég eldist verð ég sífellt þakklátari fyrir að fá að ganga lífsins veg með fólkinu mínu. Við erum fámenn þjóð og höfum í gegnum tíðina staðið þétt saman. Við höfum lyft grettistaki í forvörnum vegna slysa á sjó og landi.
Athugasemdir