Hverfisnefnd Oddeyrar er fullskipuð og vel virk
Erlendur Steinar Friðriksson formaður hverfisnefndar Oddeyrar á Akureyri hefur sent athugasemd til Vikudags fyrir hönd nefndarinnar, vegna fréttar hér að neðan frá því í morgun, um fund stjórnsýslunefndar með þremur hverfisnefndum bæjarins. Af lestri fréttarinnar megi skilja að hverfisnefnd Oddeyrar sé óvirk þar sem ekki hafi fengist fólk í nefndina. Það sé ekki rétt, nefndin sé fullskipuð og vel virk.
Þá kemur fram að fulltrúi hverfisnefndar Oddeyrar hafi ekki mætt á umræddan fund með stjórnsýslunefnd. Þar hafi einfaldlega verið um forföll á síðustu stundu að ræða og reyndist ekki tími til að boða varamann í staðinn. Hverfisnefndin hefur haldið þrjá útifundi í haust, þar sem farið er skipulega um hverfið og staða í skipulags- og umhverfismálum metin. Niðurstöðurnar verða teknar saman í kynningu er haldin verður á aðalfundi hverfisnefndar - vonandi síðar í haust. Niðurstaða þessarar vinnu verður einnig send þeim fulltrúum Akureyrarbæjar sem það varðar. Þetta er framhald metnaðarfullrar úttektar er fyrri hverfisnefnd vann fyrir nokkrum árum. Einnig er í vinnslu erindi um snjómokstur og umferðarmál á Eyrinni - þar er safnað saman ábendingum til bæjaryfirvalda um ýmist það er betur má fara í málaflokknum.
Þá vill hverfisnefnd Oddeyrar vekja athygli á fésbókarsíðu nefndarinnar - þangað eru allir íbúar og velunnarar Oddeyrarinnar velkomnir. https://www.facebook.com/groups/oddeyrin/
Næsti "úti"- fundur er n.k. mánudag kl. 17:00 og eru allir velkomnir.
Á Akureyri eru skráðar sjö hverfisnefndir og auk þess eru hverfisráð í Hrísey og Grímsey. Af þessum sjö hverfisnefndum á Akureyri eru þrjár óvirkar, þar sem ekki hefur fengist fólk til starfa í þeim, samkvæmt því sem fram kemur á vef Akureyrarbæjar. Um er að ræða hverfisnefndir Síðuhverfis, Giljahverfis og Brekku og Innbæjar.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
